ءبىزدىڭ قوعامدا ءبارى – اق پەن قارا. بىرەۋدى ماقتاساق، اسپانداتىپ، «قايراتكەر»، «كۇرەسكەر» جاسايمىز. ۇناماسا، جۇيەنىڭ بار كەمشىلىگىن سونىڭ موينىنا ارتا سالامىز.
نەگە؟ بۇل ءجاي عانا رەۆەرانس نەمەسە شىنايى پوزيتسيامىز با؟ الدە ونىڭ باسقا سەبەبى بار ما؟
مەملەكەتتىك جانە قوعامدىق ينستيتۋتتارعا سەنىم بولماعان كەزدە ادامدار ايرىقشا حاريزماتيكالىق تۇلعالار ىزدەي باستايدى. سونى تىرەك كورەدى. سول ادام ەرتەڭ ماسەلەسىن شەشەتىندەي كورەدى. بىراق ادامدار اۋىسادى، كەشەگى قاھارمان بۇگىنگى جاۋىزعا اينالادى. ال جۇيە سول كۇيىندە قالادى.
نەعۇرلىم دامىعان ەلدەردە جەكە تۇلعالاردان گورى ينستيتۋتتاردى سىناۋ نەمەسە سولارعا سەنىم ءبىلدىرۋ باسىم.
ماسەلەن، مەن تۇرعان گرۋزيادا حالىق ەڭ الدىمەن شىركەۋگە سەنەدى.
فينليانديادان كەلگەن دەپۋتات ءوز ەلىندە حالىق ەڭ ءبىرىنشى پوليتسياعا سەنەتىنىن ايتقانى ەسىمدە. يتاليادا دا پوليتسيا مەن سوتتار ەڭ جوعارعى سەنىمگە يە. نيدەرلاندىدا دا سوعان ۇقساس. ال مۇنداي ينستيتۋتتار - مەملەكەتتىڭ قازىقتارى.
قانداي ءالسىز تۇلعا كەلسە دە، قازىقتارى مىعىم جۇيە مەملەكەتتى شايقالتپايدى. ال ءالسىز جۇيەدە اركىم قوجايىن.
ءسىز قالاي ويلايسىز؟
