يراندا «بۇل جاي عانا كەزدەيسوقتىق» ءفيلمىنىڭ ستسەناريىن جازعان جانە «وسكار» سىيلىعىنا ۇسىنىلعان ستسەناريست مەحدي ماحمۋديان ۇستالدى. ونىڭ ۇستالۋىنا بيلىكتىڭ نارازىلىقتاردى باسۋىنا قارسى پىكىر ءبىلدىرۋى سەبەپ بولعان، دەپ حابارلايدى «ادىرنا» ءتىلشىسى The New York Times باسىلىمىنا سىلتەمە جاساپ.
«وسكار» سىيلىعىنا ۇسىنىلعان يراندىق ستسەناريست وسى دەمالىس كۇندەرى بيلىكتىڭ نارازىلىقتاردى قاتال باسۋىنا قارسى مالىمدەمەگە قول قويعاننان كەيىن ۇستالدى»، — دەلىنگەن باسىلىمدا.
اقش-تا ورنالاسقان Human Rights Activists اقپارات اگەنتتىگىنىڭ مالىمەتىنشە، حاتقا بەلگىلى زاڭگەر، ونەر قايراتكەرى جانە بەلسەندىلەردەن قۇرالعان 17 ادام قول قويعان. ولار دا وتكەن دەمالىس كۇندەرى قاماۋعا الىنعان.
ماحمۋديان مەن باسقا قول قويعانداردىڭ قازىرگى ورنى تۋرالى ناقتى اقپارات جوق، ولاردىڭ ءىسى جونىندەگى ەگجەي-تەگجەي دە بەلگىلى ەمەس.
2025 جىلدىڭ جەلتوقسانىندا يران بيلىگى ۇلتتىق ۆاليۋتا — ريالدىڭ قۇنسىزدانۋى سالدارىنان باستالعان ۇلكەن حالىقتىق نارازىلىق تولقىنىمەن بەتپە-بەت كەلگەن ەدى. ۇكىمەت بۇل جاعدايعا جاۋاپ رەتىندە قاۋىپسىزدىك شارالارىن كۇشەيتكەن.
ەسكە سالايىق، بۇعان دەيىن يراننىڭ قازا تاپقانداردىڭ اتى-ءجونىن جاريالاعانىن جازعان ەدىك.
