İranda «Būl jai ǧana kezdeisoqtyq» filmınıŋ ssenariiın jazǧan jäne «Oskar» syilyǧyna ūsynylǧan ssenarist Mehdi Mahmudian ūstaldy. Onyŋ ūstaluyna bilıktıŋ narazylyqtardy basuyna qarsy pıkır bıldıruı sebep bolǧan, dep habarlaidy «Adyrna» tılşısı The New York Times basylymyna sılteme jasap.
«Oskar» syilyǧyna ūsynylǧan irandyq ssenarist osy demalys künderı bilıktıŋ narazylyqtardy qatal basuyna qarsy mälımdemege qol qoiǧannan keiın ūstaldy», — delıngen basylymda.
AQŞ-ta ornalasqan Human Rights Activists aqparat agenttıgınıŋ mälımetınşe, hatqa belgılı zaŋger, öner qairatkerı jäne belsendılerden qūralǧan 17 adam qol qoiǧan. Olar da ötken demalys künderı qamauǧa alynǧan.
Mahmudian men basqa qol qoiǧandardyŋ qazırgı orny turaly naqty aqparat joq, olardyŋ ısı jönındegı egjei-tegjei de belgılı emes.
2025 jyldyŋ jeltoqsanynda İran bilıgı ūlttyq valiuta — rialdyŋ qūnsyzdanuy saldarynan bastalǧan ülken halyqtyq narazylyq tolqynymen betpe-bet kelgen edı. Ükımet būl jaǧdaiǧa jauap retınde qauıpsızdık şaralaryn küşeitken.
Eske salaiyq, būǧan deiın İrannyŋ qaza tapqandardyŋ aty-jönın jariialaǧanyn jazǧan edık.
