Şanhai yntymaqtastyq ūiymyna müşe memleketter İrandaǧy jaǧdaiǧa bailanysty ortaq mälımdeme jasady, dep habarlaidy “Adyrna” ūlttyq portaly.
ŞYŪ Taiau Şyǧystaǧy küş qoldanudy jäne İranǧa qarsy äskeri soqqylardy jol beruge bolmaityn äreket dep atady.
Ūiymǧa müşe elder aimaqtaǧy qaişylyqtardy tek beibıt jolmen retteudı qoldaitynyn jetkızdı.
“ŞYŪ-ǧa müşe memleketter İrannyŋ egemendıgı, qauıpsızdıgı men aumaqtyq tūtastyǧyn qamtamasyz etu qajettıgın atap ötedı. Barlyq taraptardy ūstamdylyq tanytuǧa jäne jaǧdaidy uşyqtyruy mümkın äreketterden bas tartuǧa şaqyrady”, – delıngen ūiymnyŋ habarlamasynda.
Sonymen qatar ŞYŪ BŪŪ şūǧyl türde halyqaralyq beibıtşılık pen qauıpsızdıkke töngen qaterdıŋ aldyn alu üşın naqty şaralar qabyldauǧa ündedı.
Ūiym ökılderı şabuyl saldarynan qaza tapqandardyŋ otbasylaryna köŋıl aityp, İran ükımetı men halqyna qoldau bıldırdı.
ŞYŪ-ǧa Belarus, İran, Qazaqstan, Qytai, Qyrǧyzstan, Özbekstan, Ündıstan, Päkıstan, Resei jäne Täjıkstan elderı müşe.
