Bügın taŋerteŋ The Washington Post basylymynda «Qazaqstannyŋ «İbrahim kelısımı jolyndaǧy qyzyqty saiahaty» atty ırı maqala jariialandy.
Materialda eldıŋ kelısımge qosyluǧa baǧyttalǧan şeşımı qalai qalyptasqany, qandai syrtqy-saiasi maqsat közdelgenı tereŋ taldanyp, jalpy mätınde Qazaqstannyŋ qadamy eŋ aldymen oilastyrylǧan, pragmatikalyq jäne mūqiiat eseptelgen dep baǧalanǧan.
Maqalanyŋ basynda bastapqyda Vaşingtondaǧy köptegen taraptar aldynda Qazaqstannyŋ būl qadamy taŋqalarlyq bolyp körıngenı, kelısımge qosylu motivasiiasyna qatysty sūraqtar tuyndaǧany atap ötılgen. Kei tūsta būl qadam «Prezident Trampqa arnalǧan belgı sekıldı körınedı» dep jazylǧan. Alaida maqalada Qazaqstannyŋ qandaida bır maqsatty közdeitını de moiyndalyp, eldıŋ jaǧdaiyn eskere otyryp, būl ärekettı tabiǧi ärı oryndy dep baǧalaǧan.
Materialda kelesı jaittar erekşe körsetılgen:
Qazaqstannyŋ «İbrahim kelısımıne» qatysuy ärı Qasym‑Jomart Toqaevtyŋ C5+1 formatynda AQŞ-ta ötetın kezdesuler aldyndaǧy sūhbaty arqyly jaryqqa şyqqan.
Amerikadaǧy sarapşylardyŋ pıkırıne süiensek, būl şeşım «tömen şyǧynmen, bıraq joǧary äserlı dabyl» retınde baǧalanǧan; onyŋ basty maqsaty – Resei men Qytaiǧa täueldılıktı azaitu arqyly geosaiasi ärıptestıktı ärtaraptandyru.
AQŞ tarapynan būl qadam Qazaqstannyŋ batysqa aşyluyn, Vaşingtonmen yntymaqtastyqty tereŋdetuge niettılıgın körsetetın körınedı; atap aitqanda, Tramptyŋ Qytaidyŋ üstemdıgınen şyǧuǧa baǧyttalǧan maŋyzdy mineraldar jelısın qūruǧa män berıp jatqany tılge tiek etılgen.
Maqalanyŋ qorytyndysynda: «İbrahim kelısımderıne qosylu – AQŞ-tyŋ pozitivtı nazaryn tartuǧa baǧyttalǧan aqyldy ärı pragmatikalyq qadam» dep aitylǧan.
Qazaqstan üşın būl qadam, jalpy alǧanda, syrtqy saiasatta täuelsızdıgın körsetıp, Mäskeu men Pekinnen alşaqtap, jaŋa baǧyttar arqyly halyqaralyq arenada ornyqty boluǧa baǧyttalǧan strategiia retınde körınedı.
