AQŞ İraktaǧy äskeri kontingentın tolyq şyǧarudy aiaqtady. Būl turaly 30 qyrküiekte Pentagon aitty, dep habarlaidy «Adyrna» tılşısı.
«Erbildegı äue bazasynan koalisiia küşterı men äskeri tehnikanyŋ josparly türde şyǧaryluy İraktaǧy äskeri missiianyŋ aiaqtalǧanyn bıldıredı. Osy missiia barysynda «İslam memleketı» (İM) terroristık ūiymy talqandaldy», – delıngen AQŞ Qorǧanys ministrlıgınıŋ mälımdemesınde.
Qūjatqa säikes, endı el qauıpsızdıgın qamtamasyz etu mındetı İraktyŋ qauıpsızdık küşterıne jükteledı.
Būǧan deiın, 28 qyrküiekte Tegerandaǧy İrak ükımetı AQŞ äskerınıŋ elden tolyq şyǧarylǧanyn habarlaǧan bolatyn.
«Barlyq jauyngerlık bölımşe men logistikalyq qoldau körsetken küşter el aumaǧynan kettı», – delıngen İrak ükımetı ökılınıŋ mälımdemesınde.
AQŞ pen İrak amerikalyq äskerdı şyǧaru turaly kelısımge 2024 jyly kelgen. Vaşingtonnyŋ mälımetınşe, soŋǧy jyldary İrakta şamamen 2500 amerikalyq äskeri qyzmetkei ornalasqan. AQŞ-tyŋ soŋǧy bölımşelerı Erbil qalasynda, Baǧdad äuejaiy maŋyndaǧy äskeri bazada jäne Baǧdadtaǧy ükımettık «jasyl aimaqta» tūrǧan.
AQŞ pen onyŋ odaqtastary 2014 jyldan berı Siriia men İrak aumaǧynda «İslam memleketı» terroristık ūiymyna qarsy operasiialar jürgızdı. 2017 jäne 2019 jyldary İrak pen Siriiada terroristerdıŋ äskeri tūrǧydan jeŋılgenı jariialandy. Degenmen, ūiymnyŋ jekelegen jasyryn toptary saqtalyp qalyp, älı de terroristık şabuyldar jasap keledı. Alaida ekstremister Siriia men İraktaǧy keŋ aumaqtarǧa baqylauyn joǧaltqan.
Sonymen qatar İrandaǧy soǧysqa bailanysty İraktaǧy qauıpsızdık jaǧdaiy da kürdelene tüskenı aityldy. Qaqtyǧys barysynda İraktaǧy amerikalyq nysandar men kürd küşterınıŋ obektılerı de şabuyldarǧa ūşyraǧan.
Jospar boiynşa İranmen bailanysty qaruly toptar AQŞ äskerı şyǧarylǧannan keiın qarusyzdandyrylyp, olardyŋ müşelerı memlekettık qauıpsızdık qūrylymdaryna qosyluy tiıs edı. Alaida İrak premer-ministrı Äli äz-Zeidi būl şaranyŋ 2027 jyldyŋ mausymyna deiın keiınge şegerıletının mälımdedı.
