«Endıgı joq älemnıŋ bır bölıgımın». Deparde jäbırlenuşılerden keşırım sūrady

388
Adyrna.kz Telegram
https://www.adyrna.kz/storage/uploads/0iNaIe9oUEvVmFAzIvLta4d39i7y7uHQJGBRmkn0.jpg

Fransuz akterı Jerar Deparde 2025 jyly seksualdyq zorlyq-zombylyq ısı boiynşa şyǧarylǧan sot ükımıne qatysty apelliasiialyq şaǧymynan bas tartty. Ol jäbırlenuşı äielderge qatysty äreketterınıŋ orynsyz bolǧanyn moiyndap, olardan keşırım sūrady, dep habarlaidy «Adyrna» tılşısı.

Būl – Depardenıŋ öz mınez-qūlqy üşın alǧaş ret keşırım sūrauy.

«Menı kınälı dep tanydy. Būl ükımdı qabyldaimyn», – dep jazdy 77 jastaǧy akter baspasözge arnalǧan mälımdemesınde.

Deparde özınıŋ äzılderı men qimyl-äreketterınıŋ köbı özı ädeiı qalamasa da, özgelerge tıl tigızıp, köŋılıne qaiau tüsıruı mümkın ekenın moiyndady. Sondai-aq ol «renjıtu nietınıŋ bolǧan-bolmaǧany keltırılgen ziiandy azaitpaitynyn tüsıngenın» aitty. Būǧan qosa, zamannyŋ özgergenın moiyndap, özın «endıgı joq älemnıŋ bır bölıgı» dep atady.

Depardege taǧylǧan jynystyq sipattaǧy tiısu aiyptary 2021 jyly film tüsırılımı kezınde bolǧan oqiǧalarǧa bailanysty boldy. Jäbırlenuşılerdıŋ bırı – filmnıŋ qoiuşy suretşısı akterdıŋ belınen, ışınen jäne keudesınen ūstaǧanyn mälımdegen. Al ekınşı jäbırlenuşı – rejisserdıŋ kömekşısı onyŋ keudesı men böksesıne rūqsatsyz qol tigızgenıne şaǧymdanǧan.

Būl – akterge qatysty sotqa deiın jetken alǧaşqy ıs. Alaida jalpy alǧanda, oǧan osyndai äreketter jasady dep 20-ǧa juyq äiel aiyp taqqan.

2025 jyly sot Depardenı kınälı dep tanyp, ony bır jarym jylǧa şartty türde bas bostandyǧynan aiyru turaly ükım şyǧardy. Sol kezde akter öz kınäsın moiyndamaǧan edı.

Pıkırler