Moŋǧoliia prezidentı Uhnaagiin Hürelsüh öz bedelın qalpyna keltıru maqsatynda prezidenttık ökılettıgınen bas tartuǧa niettı ekenın mälımdedı. Būǧan onyŋ atyna taǧylǧan auyr qylmysqa qatysty aiyptaular sebep bolǧan, dep habarlaidy «Adyrna» tılşısı Montsame agenttıgıne sılteme jasap.
Memleket basşysynyŋ sözınşe, soŋǧy bır aida onyŋ bedelıne nūqsan keltıruge bırneşe ret äreket jasalǧan.
«Moŋǧoliia prezidentın auyr qylmystar jasady dep aiyptap jatyr. Būl qanşalyqty oryndy? Men bıraz uaqyt osy jaǧdaidy baqyladym. Būl – ülken jauapkerşılıktı talap etetın lauazym. Moŋǧoliiada eldı jekelegen adamdar emes, zaŋ basqarady», – dedı ol.
Hürelsühtıŋ aituynşa, būǧan deiın Moŋǧoliia Demokratiialyq partiiasynyŋ parlamenttık fraksiiasy ony otstavkaǧa ketuge şaqyryp, ıstıŋ aq-qarasyn anyqtaudy talap etken.
«Men būl talapty qoldaimyn. Moŋǧoliia prezidentı retındegı ökılettıgımdı tapsyramyn. Maǧan qatysty tergeu jürgızılıp, abyroiym qalpyna keltırıledı», – dedı ol.
Jergılıktı BAQ-tyŋ mälımetınşe, prezidentke sybailas jemqorlyqqa qatysty küdık keltırılgen boluy mümkın.
Mongolia Daily basylymynyŋ jazuynşa, aiyptaular Tavan-Tolgoi – Gaşuunsuhait temırjolyn saluǧa arnalǧan qūpiia tendermen bailanysty. Atalǧan tenderdıŋ jeŋımpazy Bodi Group kompaniiasy bolǧan. Boljam boiynşa, keibır saiasatkerler jalpy somasy 110 million dollar bolatyn para alǧan boluy mümkın.
Uhnaagiin Hürelsüh 2021 jyldyŋ 25 mausymynan berı Moŋǧoliia prezidentı qyzmetın atqaryp keledı. Ol 2017–2021 jyldary el ükımetın basqarǧan. Sondai-aq vise-premer qyzmetın atqaryp, Moŋǧoliia Halyq partiiasynyŋ töraǧasy bolǧan.
