16 qaraşa künı Astanada «Şyŋǧys Aitmatov jäne türkı halyqtarynyŋ ädebi bailanystary» atty halyqaralyq konferensiia öttı. Is-şarany Türkı Akademiiasy Qyrǧyz Respublikasy Ūlttyq ǧylym akademiiasynyŋ Şyŋǧys Aitmatov atyndaǧy Ädebiet institutymen bırlesıp ūiymdastyrdy, dep habarlaidy «Adyrna» tılşısı.
Konferensiia qyrǧyz ǧalymy, ädebiettanuşy, filologiia ǧylymdarynyŋ doktory, akademik Abdyldajan Aqmatälievtıŋ 70 jyldyq mereitoiyna arnalǧan.
Jiynǧa Qazaqstan men Qyrǧyzstannyŋ belgılı ǧalymdary, jazuşylary, ädebiettanuşylary, memleket jäne qoǧam qairatkerlerı qatysqan. Qatysuşylar türkı halyqtary arasyndaǧy ädebi bailanystardy, qazaq-qyrǧyz ädebi yntymaqtastyǧyn, Şyŋǧys Aitmatov şyǧarmaşylyǧynyŋ türkı älemındegı ornyn jäne ädebiettıŋ mädeni yqpaldastyqtaǧy maŋyzyn talqylaǧan.
Konferensiiany aşqan Türkı Akademiiasynyŋ vise-prezidentı Ashat Kesıkbaev Akademiia prezidentı, akademik Şahin Mūstafaevtyŋ qūttyqtauyn jetkızgen. Ol öz sözınde ortaq tarihi jady, mädeni dästürler men ruhani qūndylyqtarǧa negızdelgen qazaq-qyrǧyz ädebi bailanystaryn zertteu türkologiia ǧylymyndaǧy maŋyzdy baǧyttardyŋ bırı ekenın atap ötken.
Halyqaralyq konferensiiaǧa Qazaqstan prezidentınıŋ keŋesşısı Bauyrjan Omarov, Parlament Qūryltaiynyŋ deputaty Janarbek Äşımjan, Qyrǧyz Respublikasynyŋ halyq jazuşysy Qairat İmanaliev, Şyŋǧys Aitmatov atyndaǧy Ädebiet institutynyŋ direktory Abdyldajan Aqmatäliev, Qyrǧyzstannyŋ Qazaqstandaǧy Elşılıgınıŋ diplomattary, sondai-aq ekı eldıŋ zertteuşılerı men ädebiet ökılderı qatysqan.
Mereitoi iesıne Qazaqstan basşylyǧy atynan qūttyqtaular joldanǧan. Bauyrjan Omarov vise-prezident Erlan Qarinnıŋ qūttyqtau hatyn oqyp berdı. Al Ūlytau oblysynyŋ äkımı Eset Baikennıŋ qūttyqtauyn memleket jäne qoǧam qairatkerı Mūhambet Köpeev jetkızdı.
Is-şara aiasynda Abdyldajan Aqmatälievtıŋ Türkı Akademiiasyna syiǧa tartqan kıtaptarynyŋ körmesı ūiymdastyryldy. Körmege ǧalymnyŋ qyrǧyz ädebietı, Şyŋǧys Aitmatov şyǧarmaşylyǧy jäne türkı halyqtarynyŋ ädebi bailanystary turaly ǧylymi eŋbekterı qoiyldy.
Jiynda akademiktıŋ türkı älemı ädebietı men Şyŋǧys Aitmatov mūrasyn zertteuge qosqan ülesı de atap ötıldı. Ǧalymnyŋ eŋbegıne qūrmet retınde Türkı Akademiiasy atynan oǧan şapan jabyldy.
Konferensiianyŋ mädeni baǧdarlamasy aiasynda manasşy Aziz Biimyrza uulu qyrǧyz halqynyŋ «Manas» eposynan üzındı oryndady. Sondai-aq tökpe aqyn Nūrsūltan Maldybaev ekı halyqqa ortaq auyzşa poeziia önerınıŋ dästürın tanytty.
Aita keteiık, Türkı Akademiiasy būǧan deiın de qazaq jäne qyrǧyz ziialy qauym ökılderınıŋ qatysuymen ekı el arasyndaǧy ädebi-mädeni bailanysty nyǧaituǧa baǧyttalǧan ǧylymi kezdesuler men forumdar ūiymdastyryp keledı.
