قازاقستاندىق تەننيسشى ەلەنا رىباكينا Australian Open اشىق چەمپيوناتىندا جەڭىسكە جەتىپ، الەمدىك WTA رەيتينگىندە ەكى ساتىعا كوتەرىلدى. فينالدا ول الەمنىڭ ءبىرىنشى راكەتكاسى ارينا سوبولەنكونى جەڭدى، دەپ حابارلايدى «ادىرنا» ءتىلشىسى.
جەڭىس ءۇشىن وتانداسىمىز 2 000 رەيتينگتىك ۇپاي مەن شامامەن 1,5 ملرد تەڭگە كولەمىندە سىياقى الدى.
كوش باسىندا Australian Open جارىسىندا رىباكينادان جەڭىلگەن بەلارۋس تەننيسشىسى ارينا سوبولەنكو تۇر. ال پولشالىق يگا شۆەنتەك الەمنىڭ ەكىنشى راكەتكاسى اتاعىن ساقتاپ قالدى.
Australian Open جەڭىسىنەن كەيىن رىباكينانى رەيتينگتەگى ەڭ جوعارى ورىندار ءۇشىن باستى ۇمىتكەرلەردىڭ ءبىرى دەپ سانايدى. جۋرناليستەرمەن سويلەسۋ بارىسىندا تەننيسشى قازاقستاننىڭ قولداۋىن جانە ەلىن الەمدىك ارەنادا تانىتۋ مۇمكىندىگىن ماڭىزدى دەپ سانايتىنىن بىرنەشە رەت اتاپ ءوتتى.
