قازاقستاندىق ستارتاپ ينتەرنەت ارقىلى قاشىقتان بالىق اۋلاۋعا مۇمكىندىك بەرەتىن جاڭا تەحنولوگيانى ازىرلەدى، دەپ حابارلايدى “ادىرنا” ۇلتتىق پورتالى.
بۇل تۋرالى «تەحنوموتەل» Telegram-ارناسى حابارلادى.
بۇل سەرۆيس ارقىلى الەمنىڭ ءار تۇكپىرىندەگى قولدانۋشىلار ۇيدەن شىقپاي-اق سمارتفون كومەگىمەن بالىق اۋلاي الادى.
پايدالانۋشى روبوتتاندىرىلعان قارماقتى ينتەرنەت ارقىلى باسقارىپ، ۇدەرىستى ناقتى ۋاقىت رەجيمىندە قارماققا ورناتىلعان كامەرا ارقىلى باقىلايدى. ال بالىق ىلىنگەن جاعدايدا، سول جەردە جۇمىس ىستەيتىن مامان كەلىپ، ولجانى قارماقتان شەشىپ الادى.
«بارلىعى وتە قاراپايىم. قوسىمشاعا كىرەسىز، ءسىز بالىق اۋلاۋداسىز. ەكراندا – قارماققا ورناتىلعان كامەرانىڭ بەينەسى جانە باسقارۋ باتىرمالارى. وڭعا، سولعا، جوعارى، تومەن. ءجىپتى ءتۇسىرۋ، ءىلۋ باتىرماسى بار. ەگەر جولىڭىز بولسا – بالىقتى تارتىپ شىعاراسىز. بۇل ويىن ەمەس. بۇل – ودان دا كەرەمەت»، – دەلىنگەن باعدارلامادا.
مۇنداي سەرۆيس الماتى ماڭىنداعى ءبىر كولدە جۇمىس ىستەپ تۇر. الايدا جوبانى جاساۋشىلار بولاشاقتا قاشىقتان بالىق اۋلاۋ جۇيەسىن كەڭەيتۋدى جوسپارلاپ وتىر. الداعى ۋاقىتتا بۇل سەرۆيسكە مەكسيكا، يتاليا جانە نورۆەگياداعى سۋ ايدىندارىن قوسۋ كوزدەلگەن.
