Qazaqstandyq startap internet arqyly qaşyqtan balyq aulauǧa mümkındık beretın jaŋa tehnologiiany äzırledı, dep habarlaidy “Adyrna” ūlttyq portaly.
Būl turaly «Tehnomotel» Telegram-arnasy habarlady.
Būl servis arqyly älemnıŋ är tükpırındegı qoldanuşylar üiden şyqpai-aq smartfon kömegımen balyq aulai alady.
Paidalanuşy robottandyrylǧan qarmaqty internet arqyly basqaryp, üderıstı naqty uaqyt rejimınde qarmaqqa ornatylǧan kamera arqyly baqylaidy. Al balyq ılıngen jaǧdaida, sol jerde jūmys ısteitın maman kelıp, oljany qarmaqtan şeşıp alady.
«Barlyǧy öte qarapaiym. Qosymşaǧa kıresız, sız balyq aulaudasyz. Ekranda – qarmaqqa ornatylǧan kameranyŋ beinesı jäne basqaru batyrmalary. Oŋǧa, solǧa, joǧary, tömen. Jıptı tüsıru, ılu batyrmasy bar. Eger jolyŋyz bolsa – balyqty tartyp şyǧarasyz. Būl oiyn emes. Būl – odan da keremet», – delıngen baǧdarlamada.
Mūndai servis Almaty maŋyndaǧy bır kölde jūmys ıstep tūr. Alaida jobany jasauşylar bolaşaqta qaşyqtan balyq aulau jüiesın keŋeitudı josparlap otyr. Aldaǧy uaqytta būl serviske Meksika, İtaliia jäne Norvegiiadaǧy su aidyndaryn qosu közdelgen.
