Astanadaǧy tırkelgen internet jyldamdyǧy Taşkent pen Bışkekten tömen

Qazaqstan mobildı internet boiynşa älem elderınıŋ arasynda neşınşı orynda ekenı anyqtaldy, dep habarlaidy "Adyrna" tılşısı. Ookla kompaniiasy älem elderındegı internet jyldamdyǧyn zerttep, arnaiy reiting jasady. Tırkelgen internet jyldamdyǧy boiynşa Qazaqstan 51,41 Mbit/s körsetkışpen 94-şı orynda. Būl körsetkış boiynşa körşıles Özbekstan, Qyrǧyzstan elderınde internet jyldamdyǧy joǧary bolyp şyqty. Özbekstan - 90, Qyrǧyzstan - 91, soǧys qimyldary jürıp jatqan Resei men Ukraina 55 jäne 67 oryndarda. Al Qytaida internet jyldamdyǧy 248,92 Mbit/s qūrap, üzdık  törttıktıŋ qataryna kıredı. İran memleketı 181 memlekettıŋ arasynda 154 orynǧa jaiǧasqan. Eŋ tömen internet jyldamdyǧy Auǧanstan men Kubada bolyp şyqty. Al 324,92 Mbit/s jyldamdyqpen BAÄ mobildı internet jyldamdyǧy boiynşa elder tızımınde bırınşı orynda tūr. Ookla kompaniiasy anyqtaǧan reiting boiynşa mobildı internet jyldamdyǧy jaǧynan Qazaqstan ortaşa eseppen 35,49 Mbit/s körsetkıştı qūraidy. 145 memlekettıŋ qatarynda elımız 67 orynda tūr. Eske sala keteiık, jyl basynda QR Sifrlyq damu, innovasiialar jäne aeroǧaryş önerkäsıbı ministrı Baǧdat Musin Qazaqstandaǧy internetke köŋılı tolatynyn aitqan bolatyn.