قازاقستان ءموبيلدى ينتەرنەت بويىنشا الەم ەلدەرىنىڭ اراسىندا نەشىنشى ورىندا ەكەنى انىقتالدى، دەپ حابارلايدى "ادىرنا" ءتىلشىسى.
Ookla كومپانياسى الەم ەلدەرىندەگى ينتەرنەت جىلدامدىعىن زەرتتەپ، ارنايى رەيتينگ جاسادى.
تىركەلگەن ينتەرنەت جىلدامدىعى بويىنشا قازاقستان 51,41 مبيت/س كورسەتكىشپەن 94-ءشى ورىندا. بۇل كورسەتكىش بويىنشا كورشىلەس وزبەكستان، قىرعىزستان ەلدەرىندە ينتەرنەت جىلدامدىعى جوعارى بولىپ شىقتى.
وزبەكستان - 90, قىرعىزستان - 91, سوعىس قيمىلدارى ءجۇرىپ جاتقان رەسەي مەن ۋكراينا 55 جانە 67 ورىنداردا. ال قىتايدا ينتەرنەت جىلدامدىعى 248,92 مبيت/س قۇراپ، ۇزدىك تورتتىكتىڭ قاتارىنا كىرەدى.
يران مەملەكەتى 181 مەملەكەتتىڭ اراسىندا 154 ورىنعا جايعاسقان. ەڭ تومەن ينتەرنەت جىلدامدىعى اۋعانستان مەن كۋبادا بولىپ شىقتى. ال 324,92 مبيت/س جىلدامدىقپەن ءباا ءموبيلدى ينتەرنەت جىلدامدىعى بويىنشا ەلدەر تىزىمىندە ءبىرىنشى ورىندا تۇر.
Ookla كومپانياسى انىقتاعان رەيتينگ بويىنشا ءموبيلدى ينتەرنەت جىلدامدىعى جاعىنان قازاقستان ورتاشا ەسەپپەن 35,49 مبيت/س كورسەتكىشتى قۇرايدى. 145 مەملەكەتتىڭ قاتارىندا ەلىمىز 67 ورىندا تۇر.
ەسكە سالا كەتەيىك، جىل باسىندا قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين قازاقستانداعى ينتەرنەتكە كوڭىلى تولاتىنىن ايتقان بولاتىن.
