Botir Qudrathodjaev Özbekstannyŋ qorǧanys ministrı bolyp taǧaiyndaldy, dep habarlaidy "Adyrna" tılşısı.
Tiıstı jarlyqqa el prezidentı Şavkat Mirziioev qol qoiǧan.
Būǧan deiın qorǧanys ministrlıgın basqarǧan Şuhrat Halmūhamedov basqa jūmysqa auysuyna bailanysty qyzmetınen bosatyldy. Ol būl lauazymdy 2024 jyldyŋ qaraşasynan berı atqaryp kelgen.
Botir Qudrathodjaev 1975 jylǧy 12 qaraşada düniege kelgen. Taşkent memlekettık zaŋ institutyn bıtırgennen keiın prokuratura organdarynda qyzmet etken. Är jyldary Sūrhandariia jäne Horezm oblystary, Taşkent qalasynyŋ prokurory bolǧan. 2017–2020 jyldary Bas prokuratura janyndaǧy mäjbürlep oryndatu biurosyn basqarǧan.
2022 jylǧy qaraşadan 2025 jylǧy aqpanǧa deiın Özbekstannyŋ bas prokurorynyŋ orynbasary ärı äskeri prokurory qyzmetın atqardy. Keiın tötenşe jaǧdailar ministrı bolyp taǧaiyndalyp, būl qyzmette şamamen bır jyl jūmys ıstedı.
2026 jyldyŋ qaŋtarynda ışkı ıster ministrınıŋ bırınşı orynbasary – jedel-ızdestıru departamentınıŋ bastyǧy lauazymyna taǧaiyndalǧan.
