بوتير قۋدراتحودجاەۆ وزبەكستاننىڭ قورعانىس ءمينيسترى بولىپ تاعايىندالدى، دەپ حابارلايدى "ادىرنا" ءتىلشىسى.
ءتيىستى جارلىققا ەل پرەزيدەنتى شاۆكات ميرزيوەۆ قول قويعان.
بۇعان دەيىن قورعانىس مينيسترلىگىن باسقارعان شۋحرات حالمۇحامەدوۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى. ول بۇل لاۋازىمدى 2024 جىلدىڭ قاراشاسىنان بەرى اتقارىپ كەلگەن.
بوتير قۋدراتحودجاەۆ 1975 جىلعى 12 قاراشادا دۇنيەگە كەلگەن. تاشكەنت مەملەكەتتىك زاڭ ينستيتۋتىن بىتىرگەننەن كەيىن پروكۋراتۋرا ورگاندارىندا قىزمەت ەتكەن. ءار جىلدارى سۇرحانداريا جانە حورەزم وبلىستارى، تاشكەنت قالاسىنىڭ پروكۋرورى بولعان. 2017–2020 جىلدارى باس پروكۋراتۋرا جانىنداعى ماجبۇرلەپ ورىنداتۋ بيۋروسىن باسقارعان.
2022 جىلعى قاراشادان 2025 جىلعى اقپانعا دەيىن وزبەكستاننىڭ باس پروكۋرورىنىڭ ورىنباسارى ءارى اسكەري پروكۋرورى قىزمەتىن اتقاردى. كەيىن توتەنشە جاعدايلار ءمينيسترى بولىپ تاعايىندالىپ، بۇل قىزمەتتە شامامەن ءبىر جىل جۇمىس ىستەدى.
2026 جىلدىڭ قاڭتارىندا ىشكى ىستەر ءمينيسترىنىڭ ءبىرىنشى ورىنباسارى – جەدەل-ىزدەستىرۋ دەپارتامەنتىنىڭ باستىعى لاۋازىمىنا تاعايىندالعان.
