الەۋمەتتىك جەلىدە سوڭعى كۇندەرى «مەملەكەتتىك ءتىل ءۇشىن ولۋگە دە، سوتتالۋعا دا بولادى» دەگەن پىكىردى اقىن مۇحتار شاحانوۆ ايتتى دەگەن اقپارات كەڭىنەن تارادى، دەپ حابارلايدى “ادىرنا” ۇلتتىق پورتالى.
الايدا بۇل مالىمەت شىندىققا سايكەس كەلمەيدى.
اتالعان پىكىردىڭ راس-وتىرىگىن انىقتاۋ ماقساتىندا اقىننىڭ جارى حانشايىم اپايمەن تىلدەسكەن ەدىك. ونىڭ ايتۋىنشا، بۇل سوزدەردى مۇحتار شاحانوۆ جازباعان جانە اقىن الەۋمەتتىك جەلىلەردى پايدالانبايدى. وسىعان بايلانىستى تاراعان اقپاراتتىڭ نەگىزسىز ەكەنى بەلگىلى بولدى.
قازىرگى تاڭدا قوعام ءۇشىن ەڭ ماڭىزدىسى — ەل ىشىندەگى تاتۋلىق پەن حالىق اراسىنداعى بىرلىكتى ساقتاۋ.
ايتا كەتەيىك، اقىننىڭ مەملەكەتتىك تىلگە قاتىستى شىنايى كوزقاراسىن ءوز اۋزىنان تىڭداعىسى كەلگەندەر ءۇشىن تولىق نۇسقاسى بەينەماتەريالدا ۇسىنىلعان.
ۇقساس جاڭالىقتار
