فوتو: daily.afisha.ru
34 جاستاعى قازاقستاندىق ازىلكەش ءارى جۇرگىزۋشى نۇرلان سابۋروۆقا رەسەيگە 50 جىل كىرۋگە تىيىم سالىنباق. ءارتۇرلى دەرەككوزدەردىڭ مالىمەتىنشە، بۇل شەكتەۋلەر ميگراتسيالىق جانە سالىق زاڭناماسىن بۇزعانى ءۇشىن ەنگىزىلگەن، دەپ حابارلايدى "ادىرنا".
بۇل اقپارات الەۋمەتتىك جەلىلەردە تاراعانىمەن، رەسمي راستاۋ ءالى جوق.
Mash باسىلىمىنىڭ حابارلاۋىنشا، قازىر سابۋروۆ اۋەجايدا تۇر جانە بيلەت الۋ ءۇشىن قاراجات جەتپەي، ۇشىپ كەتە الماي وتىر.
ريا نوۆوستي باسىلىمىنىڭ مالىمەتىنشە ، 2025 جىلى سابۋروۆ ميگراتسيالىق ەرەجەنى بۇزعان، ياعني ەلدە رۇقسات ەتىلگەن ۋاقىتتان ارتىق تۇرعان. سول كەزدە ول ايىپپۇل تولەپ، ەكى اپتا ىشىندە ەلدەن شىعىپ، زاڭعا سايكەس قايتا كىرۋى كەرەك بولعان.
قۇقىق قورعاۋ ورگاندارىنداعى دەرەككوزدىڭ حابارلاۋىنشا، بۇل شەشىم ەلدىڭ قاۋىپسىزدىگىن قامتاماسىز ەتۋ، زاڭدىلىقتى ساقتاۋ جانە ۇلتتىق رۋحاني-مورالدىق قۇندىلىقتاردى قورعاۋ ماقساتىندا قابىلدانعان.
ۇقساس جاڭالىقتار
