مەملەكەت باسشىسى، قارۋلى كۇشتەردىڭ جوعارعى باس قولباسشىسى قاسىم-جومارت توقاەۆ قورعانىس ءمينيسترىنىڭ ءبىرىنشى ورىنباسارىن قابىلدادى، دەپ حابارلايدى "ادىرنا" ۇلتتىق پورتالى.
قارۋلى كۇشتەرى باس شتابىنىڭ باستىعى قانىش ابۋباكىروۆ پەن قورعانىس ءمينيسترىنىڭ ورىنباسارى اسقار مۇستابەكوۆ پرەزيدەنت قابىلداۋىندا بولدى.
كەزدەسۋ بارىسىندا پرەزيدەنت ۆەدومستۆو جۇمىسىنا قاتىستى بىرقاتار ماڭىزدى ماسەلەلەردى تالقىلادى. قاسىم-جومارت توقاەۆ قورعانىس ءمينيسترىنىڭ ورىنباسارلارىنا ۆەدومستۆوداعى جەتەكشىلىك ەتەتىن باعىتتارى بويىنشا ناقتى تاپسىرمالار بەردى.
مەملەكەت باسشىسى قارۋلى كۇشتەردىڭ قىزمەتىن ودان ءارى ءتيىمدى ۇيىمداستىرۋ، اسكەري دايارلىق پەن قورعانىس قابىلەتىن ارتتىرۋ، سونداي-اق ستراتەگيالىق مىندەتتەردى جۇزەگە اسىرۋداعى ۇيلەستىرۋ ماسەلەلەرىنە ەرەكشە كوڭىل ءبولۋدى تاپسىردى.
