2026 جىلعى 18 اقپاندا استانا قالاسىندا AI91: «جاساندى ينتەللەكت بار الەمدەگى مەنەدجمەنت جانە وقىتۋ» اتتى مەكتەپ ديرەكتورلارىنىڭ ءبىرىنشى رەسپۋبليكالىق فورۋمى وتەدى. ءىس-شارا ءبىلىم بەرۋ سالاسىنىڭ باسشىلارى مەن ساراپشىلارىنا ارنالعان كاسىبي الاڭ بولماق.
فورۋم بارىسىندا مەملەكەتتىك ورگاندار وكىلدەرى، EdTech سالاسىنىڭ ماماندارى جانە پەداگوگيكالىق قاۋىمداستىق جاساندى ينتەللەكت داۋىرىندەگى مەكتەپ باسقارۋ ستراتەگيالارىن پراكتيكالىق تاجىريبە مەن ناقتى كەيستەر نەگىزىندە تالقىلايدى. شاراعا 250-دەن استام قاتىسۋشى جانە 10-نان اسا حالىقارالىق جانە قازاقستاندىق سپيكەر قاتىسادى دەپ جوسپارلانىپ وتىر.
فورۋمدى Amansultan ءبىلىم بەرۋ پلاتفورماسى №91 مەكتەپ-گيمنازياسىمەن بىرلەسىپ، استانا قالاسىنىڭ ءبىلىم باسقارماسىنىڭ قولداۋىمەن ۇيىمداستىرادى.
باعدارلاما اياسىندا مەملەكەتتىك ورگانداردىڭ وكىلدەرى، ءبىلىم بەرۋ جانە تسيفرلىق تەحنولوگيالار سالاسىنداعى حالىقارالىق جانە قازاقستاندىق ساراپشىلار بايانداما جاسايدى. نەگىزگى سپيكەرلەر قاتارىندا قر جاساندى ينتەللەكت جانە تسيفرلىق دامۋ ءبىرىنشى ۆيتسە-ءمينيسترى روستيسلاۆ كونياشكين، قر وقۋ-اعارتۋ ۆيتسە-ءمينيسترى اسىلبەك احمەتجانوۆ، «TALAP» قولدانبالى زەرتتەۋلەر ورتالىعىنىڭ باس ەكونوميسى راحىم وشاقباەۆ، Amansultan ءبىلىم بەرۋ پلاتفورماسىنىڭ نەگىزىن قالاۋشى نۇرلان قياسوۆ، Microsoft Kazakhstan كومپانياسىنىڭ ورتالىق ازيا جانە پاكىستان ايماعىنداعى ءبىلىم بەرۋ باعىتى بويىنشا دامۋ ديرەكتورى دانيار جۇمابەكوۆ بار.
AI91 فورۋمى قر وقۋ-اعارتۋ مينيسترلىگى مەن جاساندى ينتەللەكت جانە تسيفرلىق دامۋ مينيسترلىگىنىڭ وكىلدەرىنە، مەكتەپ ديرەكتورلارى مەن ولاردىڭ ورىنباسارلارىنا، ادىستەمەلىك ورتالىق ساراپشىلارىنا، سونداي-اق بيزنەس جانە EdTech-كومپانيالار وكىلدەرىنە ارنالعان.
