2026 jylǧy 18 aqpanda Astana qalasynda AI91: «Jasandy intellekt bar älemdegı menedjment jäne oqytu» atty mektep direktorlarynyŋ Bırınşı respublikalyq forumy ötedı. Is-şara bılım beru salasynyŋ basşylary men sarapşylaryna arnalǧan käsıbi alaŋ bolmaq.
Forum barysynda memlekettık organdar ökılderı, EdTech salasynyŋ mamandary jäne pedagogikalyq qauymdastyq jasandy intellekt däuırındegı mektep basqaru strategiialaryn praktikalyq täjıribe men naqty keister negızınde talqylaidy. Şaraǧa 250-den astam qatysuşy jäne 10-nan asa halyqaralyq jäne qazaqstandyq spiker qatysady dep josparlanyp otyr.
Forumdy Amansultan bılım beru platformasy №91 mektep-gimnaziiasymen bırlesıp, Astana qalasynyŋ Bılım basqarmasynyŋ qoldauymen ūiymdastyrady.
Baǧdarlama aiasynda memlekettık organdardyŋ ökılderı, bılım beru jäne sifrlyq tehnologiialar salasyndaǧy halyqaralyq jäne qazaqstandyq sarapşylar baiandama jasaidy. Negızgı spikerler qatarynda QR Jasandy intellekt jäne sifrlyq damu bırınşı vise-ministrı Rostislav Koniaşkin, QR Oqu-aǧartu vise-ministrı Asylbek Ahmetjanov, «TALAP» qoldanbaly zertteuler ortalyǧynyŋ bas ekonomisı Rahym Oşaqbaev, Amansultan bılım beru platformasynyŋ negızın qalauşy Nūrlan Qiiasov, Microsoft Kazakhstan kompaniiasynyŋ Ortalyq Aziia jäne Päkıstan aimaǧyndaǧy bılım beru baǧyty boiynşa damu direktory Daniiar Jūmabekov bar.
AI91 forumy QR Oqu-aǧartu ministrlıgı men Jasandy intellekt jäne sifrlyq damu ministrlıgınıŋ ökılderıne, mektep direktorlary men olardyŋ orynbasarlaryna, ädıstemelık ortalyq sarapşylaryna, sondai-aq biznes jäne EdTech-kompaniialar ökılderıne arnalǧan.
