پاۆلودار وبلىسىندا اۋا رايى ناشارلاپ، كولىك جۇرگىزۋشىلەرى جولدا قالدى، دەپ حابارلايدى "ادىرنا" ۇلتتىق پورتالى.
11 اقپان كۇنى پاۆلودار – استانا تاسجولىندا پاترۋلدىك پوليتسيانىڭ اعا ينسپەكتورلارى جاقسىلىق مۋساباەۆ پەن تەمىربەك امانجول قار قۇرساۋىندا قالعان شامامەن 10 اۆتوكولىكتى شىعارىپ، ولاردى قاۋىپسىز جەرگە دەيىن شىعارىپ سالعان.
سونىمەن قاتار اقتوعاي اۋدانىندا اعا مەملەكەتتىك اۆتوينسپەكتور دامير ۋلياەۆ جولدى تەكسەرۋ بارىسىندا جول جيەگىندە تۇرعان جۇك كولىكتەرىن بايقايدى. بەلگىلى بولعانداي، جۇرگىزۋشىلەر بىرنەشە ساعات بويى جولدا قالعان. كۇشتى جەل سوعىپ، كورۋ مۇمكىندىگى نولگە دەيىن تومەندەگەن. پوليتسەي جاقىن ماڭداعى بازاعا دەيىن 3 شاقىرىم جۇگىرىپ بارىپ، جۇرگىزۋشىلەرگە باعىت كورسەتكەن.
پوليتسيا قىزمەتكەرلەرى ءوڭىر تۇرعىندارى مەن قوناقتارىنا اۋا رايى بولجامدارىن قاداعالاپ، جولدار جابىلعان جاعدايدا ساپارعا شىقپاۋعا كەڭەس بەردى.
