رەسەيدە WhatsApp مەسسەندجەرىنىڭ دومەنى ۇلتتىق دومەندىك جۇيەدەن (نسدي) جويىلدى. بۇل جۇيە «سۋۆەرەندى رۋنەت» تۋرالى زاڭ اياسىندا قۇرىلعان ينفراقۇرىلىم بولىپ سانالادى، دەپ حابارلايدى "ادىرنا".
habr.com حابارلاۋىنشا، ەندى مەسسەندجەرگە تەك VPN ارقىلى كىرۋگە بولادى. 10 اقپاندا نسدي-دەن YouTube دومەنى دە جويىلعان. رەسەيلىك پروۆايدەرلەردە Youtube.com دومەنى DNS سەرۆەرلەرىنەن تولىق جويىلعان سوڭ، Rosكومنادزور جۇيەسىندە WhatsApp.com دومەنى دە قولجەتىمسىز بولدى.
سونىمەن قاتار، روسكومنادزور Facebook پەن Instagram-دى دا تولىق بۇعاتتاعان.
"سايتتاردىڭ دەرەكتەرى نسدي DNS سەرۆيسىنەن جويىلعان", - دەپ حابارلادى «نا سۆيازي» جوباسى.
بۇل پايدالانۋشىلاردىڭ پلاتفورمالارعا كىرۋىنە كەدەرگى كەلتىرەدى، ءتىپتى ەگەر سايتتار رەسەي اۋماعىندا باياۋلاتىلعان بولسا دا.
سايتتارعا كىرگەندە «DNS_PROBE_FINISHED_NXDOMAIN» قاتەسى شىعادى، ياعني دومەن جوق جانە رەسۋرستاردىڭ IP-مەكەنجايلارى تىركەلىمنەن وشىرىلگەن. روسكومنادزور بۇل جويىلۋ تۋرالى ازىرگە تۇسىنىكتەمە بەرگەن جوق.
بۇل جاعداي رەسەيدە ينتەرنەتكە قولجەتىمدىلىكتى باقىلاۋ شارالارىنىڭ كۇشەيىپ كەلە جاتقانىن كورسەتەدى.
