بىرنەشە تانىمال قازاقستاندىق مانەرلەپ سىرعاناۋدان وليمپيادا چەمپيونى ميحايل شايدوروۆ پەن ونىڭ اكەسىنە اۆتوكولىك سىيلاۋعا شەشىم قابىلدادى، دەپ حابارلايدى "ادىرنا" ۇلتتىق پورتالى.
كاسىپكەر ارسەن تومسكي چەمپيوننىڭ اكەسى ستانيسلاۆ شايدوروۆ ءۇشىن جاڭا اۆتوكولىك ساتىپ العانىن مالىمدەدى.
ونىڭ ايتۋىنشا، بۇل — ەل ماقتانىشى بولعان سپورتشىعا جانە ونىڭ جەتىستىگىنىڭ باستاۋىندا تۇرعان اكەسىنە كورسەتىلگەن قۇرمەت بەلگىسى. كاسىپكەردىڭ سوزىنشە، ستانيسلاۆ شايدوروۆ ۇلىن جاتتىقتىرۋ جولىندا كەزىندە ءوز كولىگىن ساتىپ، ونىڭ ارمانىنا قولداۋ كورسەتكەن.
قازاقستاندىق ءانشى ديماش قۇدايبەرگەن دە سپورتشىنى وليمپياداداعى التىن مەدالىمەن قۇتتىقتادى. ونەر يەسى ءوزىنىڭ الەۋمەتتىك جەلىدەگى پاراقشاسىندا جاريالاعان ۆيدەودا سپورتشىنى «التىن بالا» دەپ اتاپ، ونىڭ ونەرىن جوعارى باعالاعان.
سونداي-اق ءانشى سپورتشىنىڭ جەتىستىگىن بۇرىنعى مانەرلەپ سىرعاناۋشى دەنيس تەن ەسىمىمەن بايلانىستىرىپ، ونىڭ الدىنداعى جاۋاپكەرشىلىكتى جوعارى دەڭگەيدە ورىنداعانىن ايتتى.
ديماش قۇدايبەرگەن سپورتشىنىڭ ءوزىنىڭ ورىنداۋىنداعى كومپوزيتسيانى تاڭداعانىنا قۋانىشتى ەكەنىن ايتىپ، وعان اۆتوكولىك سىيلايتىنىن جەتكىزدى.
