ۋكراينادا قازاقستاندىق ستەنداپ-ءارتىس نۇرلان سابۋروۆقا قاتىستى قىلمىستىق ءىس قوزعالدى. بۇل تۋرالى ۋكراينالىق ادۆوكات ەۆگەني ءپرونيننىڭ مالىمدەدى، دەپ حابارلايدى "ادىرنا".
مالىمەتكە سايكەس، ونىڭ ارىزى نەگىزىندە ۋكراينا قاۋىپسىزدىك قىزمەتى بىرىڭعاي سوتقا دەيىنگى تەرگەپ-تەكسەرۋ تىزىلىمىنە دەرەكتەردى ەنگىزىپ، رەسمي تەرگەۋ امالدارىن باستاعان.
ءىس ۋكراينا قىلمىستىق كودەكسىنىڭ 111-2-بابى 1-بولىگى بويىنشا تىركەلگەن. بۇل باپتا «اگرەسسور مەملەكەتكە جاردەمدەسۋ» ءۇشىن جاۋاپكەرشىلىك كوزدەلگەن. قۇقىق قورعاۋ ورگاندارى سابۋروۆتىڭ رەسەيدىڭ قارۋلى قۇرىلىم وكىلدەرىنە ماتەريالدىق كومەك كورسەتۋى مۇمكىن دەگەن جايتتاردى تەكسەرىپ جاتىر.
بۇعان دەيىن الەۋمەتتىك جەلىلەردە نۇرلان سابۋروۆتىڭ «سۆو» دەپ اتالاتىن اسكەري وپەراتسياعا قاتىسۋشىلارعا پيتبايك تابىستاعانى تۇسىرىلگەن ۆيدەو كەڭىنەن تاراعان ەدى. كادرلاردا ونىڭ رەسەيلىك اسكەري قىزمەتشىلەرگە «جەڭىسپەن ورالۋىن» تىلەگەنى بايقالادى.
قازىرگى ۋاقىتتا ۋكراينا تاراپى قىلمىستىق ءىس اياسىندا تەرگەۋ ارەكەتتەرىن جالعاستىرىپ جاتىر. تەرگەۋ قورىتىندىسى بويىنشا قۇقىقتىق شەشىم قابىلدانادى.
