«بەرەگيني» حاكەرلەرى قازاقستاننان يوردونيالىق كومپانيانىڭ وق-دارىلەردى ساتىپ الۋى تۋرالى قۇجاتتارعا قول جەتكىزدى

2912
Adyrna.kz Telegram
فوتو: depositphotos/REDPIXEL/
فوتو: depositphotos/REDPIXEL/

«بەرەگيني» حاكەرلەرى قازاقستاندىق «تەحنوەكسپورت» كومپانياسىنان يوردانيالىق كومپانيانىڭ وق-دارىلەردى ساتىپ الۋى تۋرالى كەلىسىم-شارت جوباسى بار قۇجاتتارعا قول جەتكىزدى، دەپ حابارلايدى “ادىرنا” ۇلتتىق پورتالى.

“ۋكرايندىق قارۋ ساتۋشى تۋرالى «سوعىس مىرزاسى» ءفيلمى ەسىڭىزدە مە؟ بۇگىن ءبىز مۇنىڭ ءبارى ويدان ەمەس، شىندىق ەكەنىن كورسەتەمىز.

ءبىز قازاقستاندىق «تەحنوەكسپورت» كومپانياسىنان يوردانيالىق كومپانيانىڭ وق-دارىلەردى ساتىپ الۋى تۋرالى كەلىسىم-شارت جوباسى بار قۇجاتتارعا قول جەتكىزدىك: 122 مم سناريادتار. (D-20 گاۋبيتسالارى ءۇشىن); سناريادتار 152 مم (D-30 گاۋبيتسالارى ءۇشىن); بم-21 گرادقا ارنالعان زىمىراندار. جالپى سانى 20 مىڭ سنارياد، 33 مىڭ زىمىران”،- دەدى “بەرەگيني” حاكەرلەرى.

ولاردىڭ ايتۋىنشا، قۇجاتتاردا قارۋدىڭ ۇلىبريتانيا قورعانىس مينيسترلىگىنە ارنالعانى ايتىلعان. مامىلە $69 520 000 تۇرادى ەكەن. ونى قازاقستاننىڭ سىرتقى ىستەر مينيسترلىگى قازاقستانداعى بريتاندىق اسكەري اتتاشەمەن بىرلەسىپ باقىلايدى، ول قۇجاتتار مەن كۋالىكتەردى سوڭعى پايدالانۋشىعا ديپلوماتيالىق پوشتا ارقىلى بەرۋدى قامتاماسىز ەتەدى.


“سونداي-اق، بىزدە قازاقستاننان 200 بتر-4 (بتر-82ا نەمەسە جەڭىلدەتىلگەن موديفيكاتسيالار) بىرلىگىن جانە 120 مم مينومەت پەن «كونكۋرس» تانكىگە قارسى جۇيەلەرىنە ارنالعان وق-دارىلەردى جەتكىزۋ بويىنشا كەلىسسوزدەر جۇرگىزىلىپ جاتقانى تۋرالى قۇجاتتار بار.

شىن مانىندە، ۇلىبريتانيانىڭ قورعانىس مينيسترلىگىنە كەڭەستىك وندىرىستەگى قارۋ-جاراق پەن اسكەري تەحنيكا قاجەت ەمەس.ويتكەنى، ولاردا قارۋ-جاراق ستاندارتتارى مۇلدەم باسقا.

ەڭ قىزىعى، يوردانيا مەن قازاقستان اراسىنداعى ۇلىبريتانيا قاداعالايتىن مامىلە تۋرالى قۇجاتتار ۋكراينا قورعانىس مينيسترلىگىنىڭ باس بارلاۋ باسقارماسىنىڭ كومپيۋتەرلەرىندە قالاي پايدا بولدى؟ مۇمكىن بۇل سۇراقتارعا پان گەنەرال بۋدانوۆ جاۋاپ بەرە الار ما ەكەن؟”،- دەدى ولار.

سونداي-اق، قارۋ-جاراقتى ساتىپ الۋشى تاراپىنان كوميسسيا تولەنۋى كەرەك ەكەنىن اتاپ ءوتتى. سوندىقتان قازاقستاندىق فيرما يوردانيالىق فيرما ارقىلى ءوز ۇلەسىن كەپىلگە العان كەيبىر ادامدارعا شامامەن 70 ميلليون دوللاردىڭ بەلگىلى ءبىر پايىزىن اۋدارۋى كەرەك ەكەن.

حاكەرلەر تاراتقان اقپاراتتان جەمقورلىقتىڭ اۋىلى الىس ەمەس ەكەنىن كورۋگە بولادى. ويتكەنى، بۇگىن پرەزيدەنت قاسىم-جومارت توقاەۆ سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ولجاس بەكتەنوۆپەن كەزدەسىپ، بىرقاتار تاپسىرما بەردى.

اقوردانىڭ ءباسپاسوز قىزمەتىنىڭ مالىمەتىنشە، قازاقستاندا جەتى ايدىڭ ىشىندە سىبايلاس جەمقورلىققا قاتىستى 1,4 مىڭ ءىس بويىنشا 900-دەن استام ادام ايىپتالعان. ءالى ۇستالماعاندارى قانشاما؟! 

«ولجاس بەكتانوۆتىڭ حابارلاۋىنشا، كەزدەسۋدە كولىكتىك باقىلاۋ، اكك، مەملەكەتتىك قورعانىس تاپسىرىسى كوميتەتى سالالارىندا سىرتقى تالداۋ بولعان. سونداي-اق، سىبايلاس جەمقورلى مەملەكەتتىك قورعانىس تاپسىرىسىن قالىپتاستىرۋدىڭ ءوندىرىس كولەمىن جوسپارلاۋدان باستاپ،  شارتتىق مىندەتتەمەلەردى ورىنداۋعا دەيىنگى بارلىق كەزەڭدەرىندە انىقتالادى»،- دەپ حابارلادى اقوردادا.

مەملەكەت باسشىسى سىبايلاس جەمقورلىققا قارسى قىزمەتتىڭ جۇمىسىن كۇشەيتۋ جونىندە بىرقاتار مىندەتتەر قويدى. پرەزيدەنتتىڭ تاپسىرمالارىن ورىنداۋ ءۇشىن اگەنتتىك "انتيكور" بولىمشەلەرىنىڭ جۇمىسىن باعالاۋ تاسىلدەرىن تۇبەگەيلى قايتا قاراماق.

”ادىرنا” ۇلتتىق پورتالى 

پىكىرلەر