«Beregini» hakerlerı qazaqstandyq «Tehnoeksport» kompaniiasynan iordaniialyq kompaniianyŋ oq-därılerdı satyp aluy turaly kelısım-şart jobasy bar qūjattarǧa qol jetkızdı, dep habarlaidy “Adyrna” ūlttyq portaly.
“
“Ukraindyq qaru satuşy turaly «Soǧys myrzasy» filmı esıŋızde me? Bügın bız mūnyŋ bärı oidan emes, şyndyq ekenın körsetemız.
Bız qazaqstandyq «Tehnoeksport» kompaniiasynan iordaniialyq kompaniianyŋ oq-därılerdı satyp aluy turaly kelısım-şart jobasy bar qūjattarǧa qol jetkızdık: 122 mm snariadtar. (D-20 gaubisalary üşın); snariadtar 152 mm (D-30 gaubisalary üşın); BM-21 Gradqa arnalǧan zymyrandar. Jalpy sany 20 myŋ snariad, 33 myŋ zymyran”,- dedı “Beregini” hakerlerı.
Olardyŋ aituynşa, qūjattarda qarudyŋ Ūlybritaniia qorǧanys ministrlıgıne arnalǧany aitylǧan. Mämıle $69 520 000 tūrady eken. Ony Qazaqstannyŋ Syrtqy ıster ministrlıgı Qazaqstandaǧy britandyq äskeri attaşemen bırlesıp baqylaidy, ol qūjattar men kuälıkterdı soŋǧy paidalanuşyǧa diplomatiialyq poşta arqyly berudı qamtamasyz etedı.
“Sondai-aq, bızde Qazaqstannan 200 BTR-4 (BTR-82A nemese jeŋıldetılgen modifikasiialar) bırlıgın jäne 120 mm minomet pen «Konkurs» tankıge qarsy jüielerıne arnalǧan oq-därılerdı jetkızu boiynşa kelıssözder jürgızılıp jatqany turaly qūjattar bar.
Şyn mänınde, Ūlybritaniianyŋ qorǧanys ministrlıgıne keŋestık öndırıstegı qaru-jaraq pen äskeri tehnika qajet emes.Öitkenı, olarda qaru-jaraq standarttary müldem basqa.
Eŋ qyzyǧy, İordaniia men Qazaqstan arasyndaǧy Ūlybritaniia qadaǧalaityn mämıle
turaly qūjattar Ukraina Qorǧanys ministrlıgınıŋ Bas barlau basqarmasynyŋ kompiuterlerınde qalai paida boldy? Mümkın būl sūraqtarǧa Pan general Budanov jauap bere alar ma eken?”,- dedı olar.
Sondai-aq, qaru-jaraqty satyp aluşy tarapynan komissiia tölenuı kerek ekenın atap öttı. Sondyqtan Qazaqstandyq firma iordaniialyq firma arqyly öz ülesın kepılge alǧan keibır adamdarǧa şamamen 70 million dollardyŋ belgılı bır paiyzyn audaruy kerek eken.
Hakerler taratqan aqparattan jemqorlyqtyŋ auyly alys emes ekenın köruge bolady. Öitkenı, bügın Prezident Qasym-Jomart Toqaev sybailas jemqorlyqqa qarsy ıs-qimyl agenttıgınıŋ töraǧasy Oljas Bektenovpen kezdesıp, bırqatar tapsyrma berdı.
Aqordanyŋ baspasöz qyzmetınıŋ mälımetınşe, Qazaqstanda jetı aidyŋ ışınde sybailas jemqorlyqqa qatysty 1,4 myŋ ıs boiynşa 900-den astam adam aiyptalǧan. Älı ūstalmaǧandary qanşama?!
Memleket basşysy sybailas jemqorlyqqa qarsy qyzmettıŋ jūmysyn küşeitu jönınde bırqatar mındetter qoidy. Prezidenttıŋ tapsyrmalaryn oryndau üşın agenttık "Antikor" bölımşelerınıŋ jūmysyn baǧalau täsılderın tübegeilı qaita qaramaq.«Oljas Bektanovtyŋ habarlauynşa, kezdesude kölıktık baqylau, ÄKK, memlekettık qorǧanys tapsyrysy komitetı salalarynda syrtqy taldau bolǧan. Sondai-aq, sybailas jemqorly memlekettık qorǧanys tapsyrysyn qalyptastyrudyŋ öndırıs kölemın josparlaudan bastap, şarttyq mındettemelerdı oryndauǧa deiıngı barlyq kezeŋderınde anyqtalady»,- dep habarlady Aqordada.
”Adyrna” ūlttyq portaly
