Qazaqstan, Qyrǧyzstan, Täjıkstan, Türıkmenstan, Özbekstan jäne AQŞ ükımetterı mälımdemege qol qoidy, dep habarlaidy “Adyrna” ūlttyq portaly.
Mädeni mūra turaly qūjat C5+1 diplomatiialyq platformasynyŋ qūrylǧanyna on jyl toluyna orai qabyldandy.
Mälımdeme taraptardyŋ mädeni mūrany qorǧau, saqtau jäne damytu baǧytyndaǧy yntymaqtastyǧyn tereŋdetudı közdeidı.
C5+1 elderı är memlekettıŋ bıregei mädeni mūrasyn jäne olardyŋ adamzat örkenietıne qosqan ülesın moiyndai otyryp, mädeni bailanystardy keŋeituge, mädeni qūndylyqtardyŋ zaŋsyz ainalymynyŋ aldyn aluǧa jäne ūlttyq mūrajailar arasyndaǧy serıktestıktı arttyruǧa kelıstı.
Qūjatta mädeni mūrany saqtau jäne qorǧau salasynda aqparat almasudy küşeitu men qūndylyqtardyŋ zaŋsyz saudasyna jol bermeu üşın öŋırlık jelıler qūru turaly aitylǧan.
Sondai-aq, mädeni mūrany turizm jäne kreativtı industriiamen ūştastyru, konservasiia, sifrlandyru, restavrasiia jäne arheologiia salalarynda täjıribe almasu da körsetılgen.
Sonymen qatar, taraptar är eldıŋ bai mädeni mūrasyn därıpteitın festivalder men mädeni ıs-şaralardy bırlese ötkızuge niettı ekenın mälımdedı.
