Memleket basşysy Qasym-Jomart Toqaev belgiialyqtar korolı Filipp pen patşaiym Matildany elorda äuejaiynan qarsy aldy. Būl turaly 11 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Märtebelı meimandardy saltanatty türde qarsy alu üşın ūşu alaŋynda Qūrmet qarauyly rotasy men Prezidenttık orkestr sap tüzedı.
Beinejazbalardan Belgiia korolınıŋ Astanaǧa Air Astana ūşaǧymen kelgenın baiqauǧa bolady. Äleumettık jelıde taraǧan beinejazbalarda onyŋ ädettegı reiske otyrǧany tüsırılgen.
Äuejai zalynda Qazaqstan prezidentı qūrmettı qonaqtarmen az-kem äŋgımelestı. Memleket basşysy korol men patşaiymnyŋ elımızge sapary Qazaqstan-Belgiia qarym-qatynasyn odan ärı nyǧaitu tūrǧysynan tarihi mänge ie ekenıne nazar audardy.
«Qazaqstanǧa qoş keldıŋızder! Saparlaryŋyz memleketımızdıŋ damuyndaǧy öte maŋyzdy kezeŋmen tūspa-tūs kelıp otyr. Jalpy elımız örkendep, ekonomikasy ılgerılep keledı. Sızderdıŋ saparlaryŋyz ekıjaqty qarym-qatynasqa tyŋ serpın beredı dep aituǧa bolady»,– dedı prezident.
Korol Filipp qonaqjailyq körsetkenı üşın prezident Qasym-Jomart Toqaevqa alǧys aityp, erteŋgı joǧary deŋgeide ötetın kelıssözder tabysty bolatynyna senım bıldırdı. Sondai-aq ekı eldıŋ san qyrly serıktestıgın tereŋdetudıŋ maŋyzyn atap öttı.
«Ūşaq trapynan qazaq jerıne qadam basqan sätten bastap körsetılgen syi-qūrmet üşın sızge alǧys aitamyn. Üş kündık saparmen kelgenımızge quanyştymyz ärı elıŋızben jaqynyraq tanysamyz dep senemın»,– dedı ol.
