Özbekstan prezidentı Şavkat Mirziioev Moŋǧoliia Prezidentı Uhnaagiin Hurelsuhtyŋ şaqyruymen Ūlanbatyr qalasyna memlekettık saparmen bardy. Būl sapar aiasynda ekı el arasynda 14 resmi qūjatqa qol qoiyldy, dep zabarlaidy “Adyrna”.
Qūjattar ekıjaqty yntymaqtastyqty jan-jaqty damytuǧa baǧyttalǧan.
Sapar qorytyndysynda ekı eldıŋ basşylary jan-jaqty ärıptestık ornatu turaly bırlesken deklarasiiaǧa qol qoidy. Taraptar Moŋǧoliia men Özbekstan arasyndaǧy dästürlı dostyq pen yntymaqtastyqty tereŋdetu tek ekıjaqty ǧana emes, bükıl Ortalyq Aziia aimaǧynyŋ tūraqtylyǧy men damuyna oŋ äser etetının atap öttı.
Qol qoiylǧan negızgı qūjattar mynalar:
- Ekonomikalyq yntymaqtastyq baǧdarlamasy: Sauda, investisiia jäne käsıpkerlıktı damytu salasyndaǧy serıktestık;
- Syrtqy ıster ministrlıkterı arasyndaǧy 2026–2027 jyldarǧa arnalǧan yntymaqtastyq baǧdarlamasy;
- Qylmyspen küres jäne onyŋ aldyn alu salasyndaǧy hattama;
- Mūraǧat ısı salasyndaǧy yntymaqtastyq protokoly;
- Joǧary bılım jäne ǧylym salasyndaǧy kelısım;
- Mineraldyq resurstar men tau-ken önerkäsıbı boiynşa memorandum;
- Ösımdıkter karantinı men qorǧau salasyndaǧy kelısım;
- Auyl şaruaşylyǧynda bırlesken jobalardy ıske asyru jospary;
- Densaulyq saqtau salasyndaǧy yntymaqtastyq turaly protokol;
- Qorşaǧan ortany qorǧau jäne klimattyŋ özgeruı boiynşa bırlesken qūjat;
- Sport jäne dene şynyqtyru salasyndaǧy kelısım;
- Ekoturizm salasyndaǧy ıs-qimyl jospary men yntymaqtastyq baǧdarlamasy (2025–2028 jj.);
- Mädeniet salasyndaǧy özara almasu jäne mūralardy saqtau baǧytyndaǧy kelısımder.
Atalǧan kelısımder arqyly taraptar türlı saladaǧy bailanysty nyǧaityp, bırlesken jobalardy jüzege asyruǧa niettı ekenderın körsettı. Būl tarihi sapar Moŋǧoliia men Özbekstan arasyndaǧy qatynastardy jaŋa deŋgeige köteredı dep kütılude.
