Bügın Moŋǧoliia prezidentı Uhnaagiin Hurelsuh Türkiia Respublikasynyŋ prezidentı Rejep Taiyp Erdoǧannyŋ şaqyruymen Ankaraǧa memlekettık saparmen bardy, dep habarlaidy "Adyrna" ūlttyq portaly Monsame agenttıgıne sılteme jasap.
Moŋǧoliia prezidentı Uhnaagiin Hurelsuhty, bırınşı hanym Luvsandorjiin Bolorsesegtı jäne olarmen bırge kelgen delegasiiany Ankara qalasyndaǧy "Esenboa" halyqaralyq äuejaiynda Türkiia Respublikasynyŋ ışkı ıster ministrı Ali Erlıkaia jäne Moŋǧoliianyŋ Türkiia Respublikasyndaǧy tötenşe jäne ökılettı elşısı G. Munhbaiar qarsy aldy.
Moŋǧol köşbasşysynyŋ būl sapary ekı el arasyndaǧy diplomatiialyq qatynastardyŋ ornaǧanyna 55 jyl toluyna orailastyrylǧan. Būl - soŋǧy 21 jylda Moŋǧoliia prezidentınıŋ Türkiiaǧa jasaǧan alǧaşqy sapary.
Memlekettık sapar aiasynda ekı el prezidentterı jeke kezdesuler, resmi kelıssözder ötkızıp, būqaralyq aqparat qūraldary aldynda mälımdeme jasaidy.
Sapar barysynda bılım beru, jastar jäne sport, densaulyq saqtau jäne medisinalyq ǧylymdar salasyndaǧy yntymaqtastyq turaly ükımetaralyq kelısımder, sondai-aq qorşaǧan ortany qorǧau, paidaly qazbalardy öndıru, kölık, infraqūrylym, orman şaruaşylyǧy, qūqyq jäne ädılet salalaryndaǧy yntymaqtastyq turaly maŋyzdy 10-nan astam qūjatqa qol qoiu josparlanǧan.
Moŋǧoliia men Türkiia arasyndaǧy diplomatiialyq qarym-qatynastar 1969 jyly 24 mausymda ornaǧan. Moŋǧoliia 1997 jyly Ankarada öz elşılıgın aşsa, Türkiia 1996 jyly Ūlan-Batyrda öz elşılıgın aşqan.
Eske sala keteiık, 12 qaŋtar künı Ūlan-Batorda myŋdaǧan adam jinalyp, narazylyq şeruın ötkızıp, ükımetten sybailas jemqorlyqpen küres, joldaǧy keptelısterdı azaitu, salyqtardy tömendetu syndy mäselelerdı şeşudı talap ettı.
Ūqsas jaŋalyqtar
