ءۇش جىلدان كەيىن قايتا اشىلعان قورعاس ارقىلى 1 ايدا شەكارادان 360 مىڭنان استام ادام ءوتتى. بۇل تۋرالى قىتايدىڭ الماتىداعى باس كونسۋلى جۋرناليستەرمەن وتكەن كەزدەسۋىندە ءمالىم ەتتى، دەپ حابارلايدى “ادىرنا” ۇلتتىق پورتالى.
«قورعاس» حالىقارالىق ورتالىعى ارقىلى قازاقستان مەن قىتاي اراسىنداعى بايلانىس دامىپ جاتىر. الداعى ۋاقىتتا كەلۋشىلەر سانى بۇدان دا كوپ بولاتىنى حاق. قازىردىڭ وزىندە كۇنىنە 12 مىڭعا جۋىق ادام كەلىپ ءجۇر. ىنتىماقتاستىق ورتالىعى باجسىز ساۋدانى، وففشورلىق قارجىلاندىرۋ مەن ءتۋريزمدى، سونداي-اق كورمەلەردى دامىتۋعا كۇش سالدى. قورعاستىڭ قىتاي بولىگىندە بۇگىندە 35 جاڭا جوبا ازىرلەنىپ، سونىڭ 15-ءى ىسكە اسىرىلعان، – دەدى قىتاي حالىق رەسپۋبليكاسىنىڭ الماتىداعى باس كونسۋلى تسزيان ۆەي.
سونداي-اق، “قورعاس” شەكاراسىنداعى قىتاي بازارىنان قازاقستاندىقتار 1 ايدا 31 كەلىدەن ارتىق تاۋار الىپ كەتە المايدى. زاتتاردىڭ جالپى قۇنى مىڭ ەۋرودان اسپاۋى كەرەك.
ساتىپ الۋشىلار اۆتوبۋسقا وزىمەن 5 كەلى جۇك قانا الىپ كىرەدى. ال قالعانىن اۋەجايداعىداي جۇك تاسىمالداۋ پۋنكتىنە تاپسىرۋعا مىندەتتى.
