Úsh jyldan keıin qaıta ashylǵan Qorǵas arqyly 1 aıda shekaradan 360 myńnan astam adam ótti. Bul týraly Qytaıdyń Almatydaǵy Bas konsýly jýrnalıstermen ótken kezdesýinde málim etti, dep habarlaıdy “Adyrna” ulttyq portaly.
«Qorǵas» halyqaralyq ortalyǵy arqyly Qazaqstan men Qytaı arasyndaǵy baılanys damyp jatyr. Aldaǵy ýaqytta kelýshiler sany budan da kóp bolatyny haq. Qazirdiń ózinde kúnine 12 myńǵa jýyq adam kelip júr. Yntymaqtastyq ortalyǵy bajsyz saýdany, offshorlyq qarjylandyrý men týrızmdi, sondaı-aq kórmelerdi damytýǵa kúsh saldy. Qorǵastyń Qytaı bóliginde búginde 35 jańa joba ázirlenip, sonyń 15-i iske asyrylǵan, – dedi Qytaı Halyq Respýblıkasynyń Almatydaǵy bas konsýly zıan Veı.
Sondaı-aq, “Qorǵas” shekarasyndaǵy Qytaı bazarynan qazaqstandyqtar 1 aıda 31 keliden artyq taýar alyp kete almaıdy. Zattardyń jalpy quny myń eýrodan aspaýy kerek.
Satyp alýshylar avtobýsqa ózimen 5 keli júk qana alyp kiredi. Al qalǵanyn áýejaıdaǵydaı júk tasymaldaý pýnktine tapsyrýǵa mindetti.
