Qazaqstan men AQŞ adam qūqyqtary jönındegı kezdesudı Vaşingtonda jalǧastyruǧa kelıstı, dep habarlaidy "Adyrna" ūlttyq portaly QR Syrtqy ıster ministrlıgınıŋ baspasöz qyzmetı.
«Astana qalasynda Qazaqstan Respublikasy Prezidentınıŋ Halyqaralyq mäseleler jönındegı kömekşısı Erjan Qazyhan jäne AQŞ Memlekettık hatşysynyŋ Azamattyq qauıpsızdık, demokratiia jäne adam qūqyqtary mäselelerı jönındegı orynbasary Uzra Zeianyŋ teŋ töraǧalyǧymen QR men AQŞ arasyndaǧy Adam qūqyqtary men demokratiialyq reformalar jönındegı jyl saiynǧy joǧary deŋgeidegı dialogtyŋ üşınşı otyrysy öttı», - delıngen habarlamada.
Is-şara barysynda taraptar adam qūqyqtary salasynda özara qyzyǧuşylyq tudyratyn mäseleler boiynşa Qazaqstan men AQŞ arasyndaǧy yntymaqtastyqty syndarly türde talqylady. Taraptar Prezident Qasym-Jomart Toqaevtyŋ saiasi reformalar baǧdarlamasyn, sonyŋ ışınde mümkındıgı şekteulı adamdardyŋ qūqyqtaryn keŋeitu, adam saudasyna qarsy ıs-qimyl, jinalystar bostandyǧyn, söz bostandyǧyn qamtamasyz etu, BAQ-ty damytudy qoldau, sondai-aq aktivterdı qaitaru jäne sybailas jemqorlyqqa qarsy küres mäselelerın odan ärı ıske asyruǧa nazar audardy.
"Amerikalyq tarap özara müddeler men ortaq qūndylyqtarǧa negızdelgen tabysty jäne senımdı yntymaqtastyqqa berık ūstanymdaryn bıldırdı. Memlekettık hatşysynyŋ orynbasary Uzra Zeia QR Prezidentı Qasym-Jomart Toqaevtyŋ saiasi jäne äleumettık-ekonomikalyq reformalaryna AQŞ tarapynyŋ tūraqty qoldauyn rastap, sondai-aq ötken jeltoqsanda Qazaqstan Prezidentı qol qoiǧan Adam qūqyqtary men zaŋ üstemdıgı salasyndaǧy ıs-qimyl josparyn däiektı jüzege asyrudyŋ maŋyzdylyǧyn atap öttı" delıngen habarlamada.
Äielder men balalarǧa qatysty zorlyq-zombylyqqa nöldık tözımdılık saiasatyn küşeituge erekşe nazar audaryldy. Atap aitqanda, amerikalyq tarap a.j. 15 säuırde qabyldanǧan QR-da otbasylyq-tūrmystyq zorlyq-zombylyq pen balalarǧa qatysty zorlyq-zombylyq üşın jazany qataŋdatatyn zaŋdy qūptady.
Sonymen bırge, taraptar köpjaqty jäne öŋırlık platformalar deŋgeiınde adam qūqyqtaryn ılgerıletu mäselelerın, sonyŋ ışınde BŪŪ-nyŋ Adam qūqyqtary jönındegı keŋesı arqyly yntymaqtastyqty jäne Niu-Iork q. ötken jylǧy «S5+1» Sammitınıŋ qorytyndysy boiynşa bastamalardy jüzege asyru mäselelerın talqylady.
Kezdesu nätijesınde özara ıs-qimyldy jalǧastyruǧa jäne Dialogtyŋ kelesı otyrysyn 2025 jyly Vaşington qalasynda ötkızu turaly kelısımge qol jetkızıldı.
Ūqsas jaŋalyqtar
