Türkiia prezidentı Rejep Taiyp Erdoǧan Memleket basşysy Qasym-Jomart Toqaevqa Alǧys hat joldady, - dep habarlaidy "Adyrna" tılşısı Aqordanyŋ baspasöz qyzmetıne sılteme jasap.
Öz hatynda Erdoǧan türık halqynyŋ atynan jäne jeke atynan Memleket basşysy Qasym-Jomart Toqaevqa Türkiianyŋ Kahramanmaraş provinsiiasy men basqa eldı mekenderıne orasan zor şyǧyn äkelgen joiqyn jer sılkınısıne bailanysty köŋıl aitqany üşın alǧys aitty. Sondai-aq bauyrlas elge şūǧyl kömek körsetkenı üşın raqmetın bıldırdı.
"Tabiǧi apat kezınde dos elderdıŋ yntymaqtastyǧy bızge barlyq qiyndyqtarǧa tötep beruge küş beredı. Qazaqstannyŋ kömegı jer sılkınısınıŋ auyr zardaptarymen küresude halqymyzǧa ülken qoldau boldy. Bız qūtqarudy rizaşylyqpen eske alamyz jäne üiındı astynda qalǧan adamdardy qūtqaruda janqiiarlyq pen batyldyq tanytqan ızdestıru tobyna alǧysymyz şeksız», - delıngen hatta.
"Adyrna" ūlttyq portaly
Ūqsas jaŋalyqtar
