ءۇندىستاننىڭ چەنناي قالاسىندا ءوتىپ جاتقان دۇنيەجۇزىلىك شاحمات وليمپياداسىنىڭ جەتىنشى تۋرىندا قازاقستاندىقتار يسپانيانى جەڭدى. بۇل ناتيجە ءبىزدىڭ كوماندانى ارمەنيا قۇراماسى باستاعان كوشباسشىلار قاتارىنا قوسىلۋعا كومەكتەستى، دەپ حابارلايدى “ادىرنا” ۇلتتىق پورتالى.
ەلىمىزدىڭ ەرلەر قۇراماسى باستاپقى كەستەدە 40-ورىنعا تۇراقتادى، الايدا 7-ءشى تۋردىڭ قورىتىندىسى بويىنشا 4-ءشى ورىندى يەمدەنگەن يسپانيانى 2,5:1,5 ەسەبىمەن ۇتتى.
ءار ويىندا رەيتينگتەگى ايىرماشىلىق يسپاندىق شاحماتشىلاردىڭ پايداسىنا شامامەن 100-200 ۇپاي بولعانىمەن، قازاقستاندىقتار كەزدەسۋدە سەنساتسيالىق جەڭىسكە جەتتى. وسىلايشا، ەرلەر قۇراماسى وسىمەن تۋرنيردە قاتارىنان بەسىنشى ويىندى ءوز پايداسىنا شەشتى.
ناتيجەسىندە قازاقستان قۇراماسى 7-ءشى تۋردىڭ سوڭىندا 7-ءشى ورىنعا جايعاستى.
ايەلدەر قۇراماسى 7-ءشى تۋردا ۆەتنام قۇراماسىن 2,5-1,5 ەسەبىمەن جەڭىپ، جالپى رەيتينگتە 10-شى ورىندا تۇر.
ايتا كەتەيىك، 28 شىلدەدە ءۇندىستاننىڭ چەنناي قالاسىندا 44-ءشى دۇنيەجۇزىلىك شاحمات وليمپياداسى باستالدى. 186 ەلدىڭ وكىلدەرى قاتىساتىن جارىس 10 تامىزعا دەيىن جالعاسادى.
“ادىرنا” ۇلتتىق پورتالى
