2025 جىلدىڭ قاڭتار–جەلتوقسان ايلارىندا قازاقستاندا تاكسي قىزمەتىن 174,5 ملن جولاۋشى پايدالانعان. بۇل تۋرالى Energyprom.kz. جازدى، دەپ حابارلايدى “ادىرنا”.
بۇل كورسەتكىش 2024 جىلمەن سالىستىرعاندا 2,4 ەسە، ال 2023 جىلمەن سالىستىرعاندا 3,5 ەسە وسكەنىن كورسەتەدى. دەمەك، تاكسيگە دەگەن سۇرانىس تۇراقتى تۇردە ارتىپ كەلەدى.
2026 جىلدىڭ قاڭتار ايىنىڭ وزىندە 22,9 ملن ادام تاكسيمەن جۇرگەن. بۇل وتكەن جىلدىڭ قاڭتارىمەن سالىستىرعاندا 2,1 ەسە ارتىق. دەمەك، ءوسىم بيىل دا جالعاسىپ وتىر.
ايماقتار بويىنشا ەڭ كوپ جولاۋشى الماتى مەن استانا قالالارىندا تىركەلگەن. ەكى قالادا ءبىر جىل ىشىندە 60,7 ملن ادام تاسىمالدانعان. ونىڭ ىشىندە الماتى – 33,2 ملن اداممەن ءبىرىنشى ورىندا، ال استانا – 27,6 ملن اداممەن ەكىنشى ورىندا.
كەلەسى ورىنداردا الماتى وبلىسى (13,7 ملن), ماڭعىستاۋ وبلىسى (12,1 ملن) جانە شىمكەنت (10,4 ملن) تۇر.
ال ەڭ از كورسەتكىش ۇلىتاۋ وبلىسىندا – 1,4 ملن ادام. سونداي-اق سولتۇستىك قازاقستان وبلىسى (2,7 ملن) مەن شىعىس قازاقستان وبلىسى (3,5 ملن) وبلىستارىندا دا جولاۋشىلار سانى تومەن.
2025 جىلدىڭ قاڭتار–جەلتوقسان ايلارىندا قازاقستانداعى تاكسي كومپانيالارىنىڭ جالپى تابىسى 186,1 ملرد تەڭگە بولدى. تۇسكەن كىرىستىڭ شامامەن جارتىسىنا جۋىعى – 46,6%-ى – ەكى قالاعا تيەسىلى. اتاپ ايتقاندا، الماتى – 47,4 ملرد تەڭگە، استانا – 39,4 ملرد تەڭگە تابىس تاپقان. سونداي-اق الماتى وبلىسى (16,7 ملرد تەڭگە) مەن قاراعاندى وبلىسى (9,4 ملرد تەڭگە) دا جوعارى كورسەتكىش كورسەتتى.
2025 جىلدىڭ قورىتىندىسى بويىنشا ەلدەگى ءبىر تاكسي ساپارىنىڭ ورتاشا قۇنى 1,1 مىڭ تەڭگە بولدى. ەڭ جوعارى ورتاشا باعا الماتى مەن استانادا تىركەلدى – ءار قالادا شامامەن 1,4 مىڭ تەڭگە. ال ەڭ قىمبات جول ءجۇرۋ قاراعاندى وبلىسى-ندا – ورتاشا ەسەپپەن 1,5 مىڭ تەڭگە. ەڭ ارزان ءوڭىر – قىزىلوردا وبلىسى، مۇندا ءبىر ساپاردىڭ ورتاشا قۇنى 540 تەڭگە.
2025 جىلدىڭ جەلتوقسان ايىنىڭ قورىتىندىسى بويىنشا تاكسي قىزمەتىنىڭ باعاسى ءبىر ايدا 1,8%-عا ءوستى. جىل بويى باعا اي سايىن قىمباتتاپ وتىرعان. تەك تامىز ايىندا عانا 0,3%-عا تومەندەۋ تىركەلدى. ەڭ ۇلكەن ءوسىم ماۋسىمدا بايقالدى – ءبىر ايدا بىردەن 4,7%-عا ارتقان.
جالپى العاندا، ءبىر جىل ىشىندە تاكسي قىزمەتى 17%-عا قىمباتتادى. ال 2024 جىلى ءوسىم 8,4% بولعان ەدى. ايماقتار اراسىندا ەڭ جوعارى قىمباتتاۋ تۇركىستان وبلىسى-ندا تىركەلدى – 42,9%. ودان كەيىن اقمولا وبلىسى (37,7%) جانە جەتىسۋ وبلىسى (21,2%) كەلەدى.
باعا وزگەرمەگەن جالعىز ءوڭىر – پاۆلودار وبلىسى. ال ەڭ تومەن ءوسىم اقتوبە وبلىسى (2,7%), باتىس قازاقستان وبلىسى (3,3%) جانە سولتۇستىك قازاقستان وبلىسىندا (3,4%) بايقالدى.
