سوعىس جىلدارى م.اۋەزوۆ، ن.وڭداسىنوۆ، ءى.وماروۆ، س.مۇقانوۆ جانە ت.ب. زيالىلارىمىزدىڭ ىقپالىمەن 1944 جىلى اشىلعان، جوعارى وقۋ ورىندارىنىڭ ءبىرى جانە بىرەگەيى – قازاق ۇلتتىق قىزدار پەداگوگيكالىق ۋنيۆەرسيتەتى (قازۇقپۋ) بولىپ تابىلادى.
قازۇقپۋ 58-دەن استام شەتەلدىك سەرىكتەس جوعارى وقۋ ورىندارىمەن حالىقارالىق ىنتىماقتاستىق ورناتىپ دامىتۋدا.
قازىرگى كەزدە باسەكەكە قابىلەتتى ۋنيۆەرسيتەت پروفەسسور-وقىتۋشىلار قۇرامىمەن، زاماناۋي اۋديتوريالارمەن، زامان تالاپتارىنا ساي زەرتحانالارمەن جابدىقتالعان. ۋنيۆەرسيتەتتە 5 ينستيتۋت، 24 كافەدرا كاسىبي ماماندار دايارلاۋدى جۇزەگە اسىرادى. سونداي-اق، ۋنيۆەرسيتەت قاراماعىندا بالالاردى ەرتە جاستان دامىتۋ جانە وتباسىن زەرتتەۋ، فورمالدى ەمەس ءبىلىم بەرۋ، قىزدار كوشباسشىلىعى جانە كاسىپكەرلىك، ينكليۋزيۆتى جانە ارنايى ءبىلىم بەرۋ دامىتۋ ورتالىقتارى جۇمىس جاسايدى.
جوو كىتاپحاناسىنىڭ كىتاپ قورى 50.000-نان اسادى. 2024 جىلى كىتاپحانا تاريحي كەلبەتىن ساقتاي وتىرىپ، زاماناۋي تالاپتارعا ساي كۇردەلى جوندەۋدەن ءوتىپ، تولىعىمەن جاڭارتىلدى. كىتاپحاناعا ۋنيۆەرسيتەتتە 35 جىلدان استام جۇمىس ىستەگەن بەلگىلى پەداگوگ، عالىم، كسرو حالىق اعارتۋ ءىسىنىڭ ۇزدىگى سەرالى قانيەۆ اتامىزدىڭ ەسىمى بەرىلدى. كىتاپحانا جەكە وقۋ كابينالارىمەن، تىنىعۋ بولمەسىمەن جانە وقۋ زالدارىمەن جابدىقتالعان.
س.قانيەۆ اتىنداعى كىتاپحانانىڭ ىشكى وقىرمان زالى
س.قانيەۆ اتىنداعى كىتاپحانانىڭ ورتالىق زالى
ستۋدەنتتىك ءومىر – جاستىق شاقتىڭ ەڭ جالىندى كەزى بولىپ سانالادى. وسى ورايدا ۋنيۆەرسيتەتىمىزدە «جاستار ساياساتى ورتالىعى» جۇمىس جاسايدى. ستۋدەنتتەردىڭ بوس ۋاقىتىن ءتيىمدى ۇيىمداستىرا وتىرىپ، ولاردى ازاماتتىق-پاتريوتتىق رۋحتا تاربيەلەۋگە باعىتتايتىن بۇل ورتالىق ۋنيۆەرسيتەتتە قىزدارىمىزدىڭ جان-جاقتى دامۋىنا ارنالعان ءارتۇرلى مادەني-رۋحاني، تانىمدىق، الەۋمەتتىك، سپورتتىق جانە شىعارماشىلىق ءىس-شارالاردى ۇيىمداستىرادى.
سونىمەن قاتار، ۋنيۆەرسيتەتتە جاستاردىڭ جان-جاقتى دامۋىنا باعىتتالعان 18-دەن استام بەلسەندى ستۋدەنتتىك ۇيىمدار دا جۇمىس ىستەيدى
جاراتىلىستانۋ ينستيتۋتىنىڭ تۇلەكتەرى رەتىندە ينستيتۋتىمىزدىڭ بۇگىنگى حال-اقۋالىنا جەكە توقتالساق. جاراتىلىستانۋ ينستيتۋتى – بولاشاق بيولوگيا، اردى، زەرتتەۋشىلەردى، گەوگرافيا جانە حيميا ماماندىقتارى بويىنشا پەداگوگتەر مەن عىلىمي قىزمەتكەرلەردى دايارلايتىن جەتەكشى قۇرىلىمداردىڭ ءبىرى. ينستيتۋتتا 3 كافەدرا (بيولوگيا، گەوگرافيا جانە حيميا) جۇمىس جاسايدى.
بيولوگيا كافەدراسى تومەندەگىدەي ءبىلىم بەرۋ باعدارلامالارى بويىنشا ماماندار دايارلاۋدى جۇزەگە اسىرادى:
سونىمەن بىرگە كافەدرادا 16 عىلىم كانديداتى، 9 PhD جانە 20-عا جۋىق عىلىم ماگيسترلەرى قىزمەت اتقارادى. كافەدرانىڭ پروفەسسورلىق-وقىتۋشىلىق قۇرامىنىڭ بىلىكتىلىگى كورسەتىلەتىن قىزمەت ساپاسىنىڭ نەگىزى بولىپ تابىلادى. «بيولوگيا» كافەدراسىنىڭ نەگىزگى شتاتى – جوعارى بىلىكتى پەداگوگتار، كاسىبي مىندەتتەردىڭ كەڭ سپەكترىن شەشۋگە قۇزىرەتتى عالىمدار. عىلىمي دارەجەلەرى مەن اتاقتارى بار پوق ۇلەسى – 60%. ا-ش.ع.ك.، پروفەسسور بايتاشەۆا گ.ۋ.، PhD, قاۋىمداستىرىلعان پروفەسسور كاليەۆا ا.ن. «جوعارى وقۋ ورنىنىڭ ۇزدىك وقىتۋشىسى» اتاعىنىڭ يەگەرلەرى. پوق بىلىكتىلىگىن ارتتىرۋ بويىنشا جۇمىستار (كۋرستار، سەمينار-ترەنينگتەر، تاعىلىمدامالار) جوسپارلى تۇردە ۇدايى جۇرگىزىلۋدە. سوڭعى ءۇش جىلدا پوق-نىڭ 100%-ى بىلىكتىلىكتى ارتتىرۋ باعدارلامالارىنان ءوتتى. ستۋدەنتتەرىمىزدىڭ وقۋ-دالا پراكتيكالارى الماتى وبلىسىنىڭ قوناەۆ قالاسىندا جانە قاراعاندى وبلىسىنىڭ قارقارالى اۋدانىندا وتىلەدى. سونىمەن قاتار، پەداگوگيكالىق پراكتيكا الماتى قالاسىنىڭ مەكتەپ، گيمنازيا، ليتسەيلەرى مەن نازارباەۆ زياتكەرلىك مەكتەپتەرىندە وتىلەدى.
كافەدرانىڭ زاماناۋي جابدىقتالعان زەرتحانالىق بازاسى (تسيتولوگيا، گەنەتيكا، ميكروبيولوگيا، بوتانيكا جانە زوولوگيا زەرتحانالارى) ستۋدەنتتەرگە ساباقتاردا ساندىق ميكروسكوپتار مەن ينتەراكتيۆتى قۇرالداردى ەركىن پايدالانۋعا جانە ءارتۇرلى عىلىمي جوبالارعا قاتىسۋعا مۇمكىندىك بەرەدى.
بيولوگيا كافەدراسىنا قاراستى «بيوتەحنولوگيا جانە بيومەديتسينا» جانە «سىناما دايىنداۋ زەرتحانالارى»
بيولوگيا كافەدراسىنىڭ اۋديتوريالارى
(كافەدراعا قاراستى بارلىق اۋديتوريالار جاڭارتىلعان)
جاراتىلىستانۋ ينستيتۋتى ستۋدەنتتەرى قاۋىپسىز ورتادا ءومىر سۇرۋلەرى قامتاماسىز ەتىلەتىن، ۋنيۆەرسيتەت اۋلاسىندا ورنالاسقان تۇرعىن ورنىمەن قامتاماسىز ەتىلەدى. №1 جاتاقحانادا ءارتۇرلى عىلىمي-تانىمدىق جانە شىعارماشىلىق ءىس-شارالار ۇزدىكسىز جۇزەگە اسىرىلادى. مۇندا وقۋ زالى، اس ءۇي جانە جاتتىعۋ زالدارى بار.
ۋنيۆەرسيتەت اۋماعىندا سونىمەن قاتار ءجۇزۋ باسسەينى دە جۇمىس جاسايدى، ۋنيۆەرسيتەت ستۋدەنتتەرى كەز كەلگەن ۋاقىتتا كاسىبي جاتتىقتىرۋشىلاردىڭ كومەگىمەن جۇزۋدەن ساباق الا الادى.
قازۇقپۋ بيولوگيا كافەدراسى – كاسىبي ءبىلىم بەرۋگە جانە عىلىمي قىزمەتكە قابىلەتتى، پەداگوگيكالىق، تەرەڭ زەرتتەۋشىلىك، باسقارۋشىلىق داعدىلارى قالىپتاسقان، عىلىمي جەتىستىكتەرىن ءبىلىم بەرۋدە پايدالانا الاتىن، نارىق ەكونوميكاسى سۇرانىسىنا ساي، ىزدەنىمپاز جوعارى ءبىلىمدى باكالاۆر بيولوگيا مۇعالىمدەرىن، سونىمەن قاتار پەداگوگيكا عىلىمى ماگيسترلەرىن جانە بيولوگيا سالاسىندا تەرەڭ تەوريالىق ءبىلىمى بار، عىلىمي-زەرتتەۋ جانە پەداگوگيكالىق يننوۆاتسيالىق ادىستەر مەن تەحنولوگيالاردى قولدانا الاتىن فيلوسوفيا دوكتورلارىن (PhD) دايىندايتىن پەداگوگيكالىق ۇجىم.
قۇرمەتتى ءبىلىم جانە عىلىم جولىن تاڭداعان تالاپكەر! ەگەر ءسىز دە ەلىمىزدىڭ پەداگوگيكا جانە عىلىم سالالارىنىڭ وركەندەۋى مەن كوگەرۋىنە ۇلەس قوسقىڭىز كەلسە، قىزدار پەداگوگيكالىق ۋنيۆەرسيتەتىنىڭ قارا شاڭىراعى ءسىزدى كۇتەدى.
قۇرمەتپەن، بيولوگيا كافەدراسىنىڭ تۇلەكتەرى ءارى وقىتۋشىلارى:
قوڭىروۆا ج.ب.، ءابىتاي ءا.ن.،
سىپابەكقىزى گ.، ساركىتباەۆا ا.ك.،
بەكجيگيتوۆا ا.ا.
