2026 جىلدىڭ 25 اقپانىندا الماتى قالاسىندا قازاقستان رەسپۋبليكاسىنىڭ ۇلتتىق عىلىم اكادەمياسىنىڭ 80 جىلدىق مەرەيتويى اياسىندا «حالىقارالىق قاتىناستار» زەرتتەۋ ورتالىعى رەسمي تۇردە اشىلىپ، «ورتالىق ازيا مۇراتى» اتتى التى كىتاپتان تۇراتىن عىلىمي-ساراپتامالىق توپتاماسىنىڭ تۇساۋكەسەرى ءوتتى.
ءىس-شارانىڭ باستى ماقساتى – حالىقارالىق قاتىناستار سالاسىنداعى زەرتتەۋلەردى ينستيتۋتسيونالدىق تۇرعىدا جۇيەلەۋ، ورتالىق ازياعا قاتىستى عىلىمي تالداۋلاردىڭ ساپاسىن ارتتىرۋ جانە وڭىرلىك زياتكەرلىك ديالوگتى تۇراقتى عىلىمي ىنتىماقتاستىق دەڭگەيىنە كوتەرۋ. سونىمەن قاتار، عىلىمي ويدى جۇيەلى، تاۋەلسىز جانە تەرەڭ دامىتۋ ارقىلى مەملەكەتكە ستراتەگيالىق، ۇتىمدى شەشىم قابىلداۋ مۇمكىندىگىن قامتاماسىز ەتۋ كوزدەلگەن.
سالتاناتتى جيىنعا قر ۇلتتىق عىلىم اكادەمياسىنىڭ باسقارما پرەزيدەنتى ا. كۇرىشباەۆ، قر سىرتقى ىستەر مينيسترلىگىنىڭ الماتى قالاسىنداعى وكىلدىگى، بىرىككەن ۇلتتار ۇيىمىنىڭ جاھاندىق كوممۋنيكاتسيالار دەپارتامەنتىنىڭ الماتى قالاسىنداعى باسشىسى ۆلاستيميل سامەك، سونداي-اق قىتاي حالىق رەسپۋبليكاسى، قىرعىز رەسپۋبليكاسى، وزبەكستان رەسپۋبليكاسى، تاجىكستان رەسپۋبليكاسى، تۇرىكمەنستان رەسپۋبليكاسىنىڭ ديپلوماتيالىق وكىلدەرى، حالىقارالىق ۇيىمدار مەن عىلىمي قاۋىمداستىق مۇشەلەرى جانە جەتەكشى ساراپشىلار قاتىستى.
ءىس-شارا اياسىندا «ورتالىق ازيا مۇراتى» عىلىمي-ساراپتامالىق توپتاماسىنا ەنگەن باسىلىمداردىڭ تۇساۋكەسەرى ءوتتى:
- د.ق. جەكەنوۆ، «ورتالىق ازيا مۇراتى» مونوگرافياسى;
- ا.ە. مۋحامەتجان، «قىرعىز رەسپۋبليكاسى»;
- گ.ا. اپساتتاروۆا، «وزبەكستان رەسپۋبليكاسى»;
- و.ا. بايسالبەك، «تۇرىكمەنستان»;
- ب.ب. ساريەۆا، «تاجىكستان رەسپۋبليكاسى»;
- ف.ا. قىدىربەك، «قىتاي – ورتالىق ازيا قاتىناستارى: تالداۋ جانە جىلناما».
ا. كۇرىشباەۆ ءوز سوزىندە بۇل باستامانىڭ بولاشاققا باعىتتالعان ماڭىزدى قادام ەكەنىن اتاپ ءوتىپ، عىلىمي وي تەك جۇيەلى، تاۋەلسىز جانە تەرەڭ بولعان جاعدايدا عانا مەملەكەتكە ستراتەگيالىق شەشىم قابىلداۋعا مۇمكىندىك بەرەتىنىن جەتكىزدى. سونىمەن قاتار، اكادەميانىڭ باستى ميسسياسى – عىلىمدى قوعام مەن مەملەكەتتىڭ ستراتەگيالىق دامۋىنا قىزمەت ەتەتىن ينتەللەكتۋالدىق رەسۋرسقا اينالدىرۋ، حالىقارالىق عىلىمي ىقپالداستىقتى كەڭەيتۋ، پانارالىق زەرتتەۋلەردى دامىتۋ جانە جاس عالىمداردىڭ الەۋەتىن ارتتىرۋ بولىپ تابىلادى.
بارلىق قاتىسۋشىلارعا قولداۋ كورسەتكەنى جانە ىنتىماقتاستىققا اشىقتىعى ءۇشىن العىس بىلدىرەمىز. الداعى ۋاقىتتا بىرلەسكەن جوبالاردى دامىتۋ، تاجىريبە الماسۋ جانە عىلىمي بايلانىستاردى نىعايتۋ باعىتىندا ءوزارا ارەكەتتەسۋدى جالعاستىرۋعا ۇمىتتەنەمىز.
