جالپىۇلتتىق كواليتسياسىنىڭ مۇشەلەرىمەن بىرگە قوستاناي وبلىسىنا بارىپ، ءوڭىر جۇرتشىلىعىمەن بىرقاتار كەزدەسۋ وتكىزدى.
مەملەكەتتىك كەڭەسشىمەن بىرگە وڭىرگە جالپىۇلتتىق كواليتسيانىڭ مۇشەلەرى، پارلامەنت ءماجىلىسىنىڭ دەپۋتاتتارى – سنەجاننا يماشەۆا، ەركىن ءابىل، ايداربەك قوجانازاروۆ، قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ، پرەزيدەنت تەلەراديوكەشەنىنىڭ ديرەكتورى راۋشان قاجىباەۆا، پروديۋسەر الماس جالي، Uni-Q Group مەدياحولدينگىنىڭ باس ديرەكتورى مۇحامەدقالي تاۋان باردى.
وڭىرگە ساپار ەتنومادەني بىرلەستىكتەردىڭ وكىلدەرىمەن كەزدەسۋدەن باستالدى. مەملەكەتتىك كەڭەسشى ەرلان قارين جاڭا كونستيتۋتسيا تەك قۇقىقتىق قۇجات قانا ەمەس، سونىمەن قاتار مۇددەلەر تەڭگەرىمىن، ىنتىماقتاستىقتى، ءوزارا قۇرمەتتى جانە ەل بولاشاعىنا ورتاق جاۋاپكەرشىلىك قۇندىلىقتارىن بەكىتەتىن قوعامدىق كەلىسىم ەكەنىن اتاپ ءوتتى. ول «بىرلىگىمىز – ارالۋاندىقتا» قاعيداتى قوعامنىڭ تۇتاستىعىن نىعايتاتىنىن مالىمدەدى.
ءماجىلىس دەپۋتاتتارى سنەجاننا يماشەۆا مەن ەركىن ءابىل ينستيتۋتسيونالدىق جاڭعىرتۋ تەتىكتەرى جانە دەربەستىكتى قورعاۋ ماسەلەلەرى تۋرالى ايتىپ، ۇسىنىلىپ وتىرعان وزگەرىستەر ازاماتتاردىڭ شەشىم قابىلداۋعا قاتىسۋىن كۇشەيتەتىنىن، مەملەكەت پەن قوعام اراسىنداعى ءوزارا ءىس-قيمىلدىڭ الەۋمەتتىك ادىلەتتى مودەلىن قالىپتاستىراتىنىن جەتكىزدى.
قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ پەن ەتنومادەني بىرلەستىكتەردىڭ وكىلدەرى حالىق كەڭەسىنىڭ ەتنوسارالىق جانە كونفەسسياارالىق ديالوگ الاڭى، تەڭ مۇمكىندىكتەردى قولداۋ جانە قوعامدىق كەلىسىمدى نىعايتۋ قۇرالى رەتىندەگى ءرولىن اتاپ ءوتتى.
ساپار بارىسىنداعى باستى وقيعا – وبلىس اكتيۆىمەن كەزدەسۋ. ءىس-شاراعا شامامەن 300 ادام – قوعام قايراتكەرلەرى، ديقاندار، ونەركاسىپ سالاسىنىڭ ماماندارى، الەۋمەتتىك سالا قىزمەتكەرلەرى، عىلىمي جانە شىعارماشىلىق زيالى قاۋىم وكىلدەرى، سپورتشىلار، سونداي-اق جاستار قاۋىمى قاتىستى.
مەملەكەتتىك كەڭەسشى ەرلان قارين كونستيتۋتسيا جوباسىن ازىرلەۋ بارىسىنا جان-جاقتى توقتالدى. ونىڭ ايتۋىنشا، رەفەرەندۋم جاڭا كونستيتۋتسيا جوباسىن جارتى جىلدان استام ۋاقىت بويى كەڭ كولەمدە قوعامدىق تالقىلاۋدىڭ زاڭدى قورىتىندىسىنا اينالادى. جاڭا اتا زاڭ مەملەكەت پەن قوعامنىڭ ءوزارا ءتيىمدى ءىس-قيمىلىنا نەگىزدەلگەن مەملەكەتتىك-ساياسي قۇرىلىستىڭ زاماناۋي ءارى سەرپىندى مودەلىنە تۇبەگەيلى كوشۋدى بىلدىرەدى.
ءماجىلىس دەپۋتاتتارى سنەجاننا يماشەۆا مەن ايداربەك قوجانازاروۆ جوبا ازاماتتاردىڭ قۇقىعى مەن بوستاندىعىن قورعاۋدى كۇشەيتەتىنىن، بيلىك ينستيتۋتتارىنىڭ وكىلەتتىكتەرى مەن جاۋاپكەرشىلىگى اراسىنداعى تەپە-تەڭدىكتى بەكىتەتىنىن، سونداي-اق ەكونوميكانى، يننوۆاتسيالاردى دامىتۋعا جانە ينۆەستيتسيالار تارتۋعا جاعداي جاسايتىنىن اتاپ ءوتتى.
قوستاناي اۆتوموبيل كولىگى كوللەدجىنىڭ ديرەكتورى دميتري پاۆلەنكو ەڭبەك، ءبىلىم، عىلىم جانە يننوۆاتسيا قۇندىلىقتارىنىڭ بەكىتىلۋى جاستاردىڭ كاسىبي تۇرعىدا وسۋىنە جانە زاماناۋي ەكونوميكانىڭ دامۋىنا قاجەت بەرىك نەگىز قالايتىنىن مالىمدەدى.
ساپار بارىسىندا دەلەگاتسيا «Agromash» جانە «Allur» زاۋىتتارىنىڭ جاس ماماندارىمەن كەزدەستى. مەملەكەتتىك كەڭەسشى ەرلان قارين ادامي كاپيتالدىڭ، ءبىلىمنىڭ، عىلىمنىڭ جانە ازاماتتاردىڭ ەڭبەكتەگى جەتىستىكتەرىنىڭ باسىمدىعىنا توقتالدى. كواليتسيا مۇشەلەرى جوبا الەۋمەتتىك ادىلدىكتى كۇشەيتۋگە، جۇمىسپەن قامتۋدى قولداۋعا جانە كاسىپكەرلىكتى دامىتۋعا باعىتتالعانىن ايتتى. جاس ماماندار كونستيتۋتسيانى سالاعا قاجەت تۇراقتى جاعدايدى قالىپتاستىراتىن ءارى كاسىبي تۇرعىدا وسۋگە مۇمكىندىك بەرەتىن قۇرال رەتىندە باعالايتىندارىن جەتكىزدى.
وڭىردە كرەاتيۆتى جاستاردىڭ وكىلدەرىمەن دە كەزدەسۋ ءوتتى. سپيكەرلەر ءبىلىم، عىلىم، مادەنيەت جانە يننوۆاتسيالاردى مەملەكەتتىڭ ستراتەگيالىق باسىمدىعى رەتىندە بەكىتۋ، سونداي-اق زياتكەرلىك مەنشىكتى قۇقىقتىق تۇرعىدا قورعاۋ ماسەلەلەرىن تالقىلادى. بۇل كرەاتيۆتى سەكتوردىڭ دامۋىنا جانە ازاماتتاردىڭ ءوزىن-ءوزى تانىتۋىنا جاعداي جاسايدى.
جالپى العاندا، وڭىردەگى ساپار اياسىنداعى كەزدەسۋلەر جاڭا كونستيتۋتسيا جوباسىنا كەڭ قولداۋ كورسەتىلىپ جاتقانىن جانە قوعامنىڭ 2026 جىلى 15 ناۋرىزدا وتەتىن رەفەرەندۋمعا قاتىسۋعا دەگەن جوعارى قىزىعۋشىلىعى بار ەكەنىن كورسەتتى. قاتىسۋشىلار قۇجات ازاماتتاردىڭ سۇرانىسىن ەسكەرەتىنىن، مەملەكەت پەن قوعام اراسىنداعى ديالوگتى نىعايتاتىنىن، ازاماتتاردىڭ تۇرمىسىن جاقسارتۋعا، الەۋمەتتىك ادىلدىك پەن مەملەكەتتىڭ تۇراقتى دامۋىنا قاجەت جاعداي جاسايتىنىن اتاپ ءوتتى.
قوستاناي وبلىسىنىڭ جۇرتشىلىعى ادىلەتتى جانە پروگرەسسيۆتى قازاقستاندى قۇرۋ جولىنداعى ماڭىزدى قادام رەتىندە جاڭا كونستيتۋتسيا جوباسىنا قولداۋ ءبىلدىردى.
جالپىۇلتتىق كواليتسيانىڭ ءباسپاسوز قىزمەتى
سۋرەتتى تۇسىرگەن: ءالي عالىم
دايىنداعان: «AMANAT MEDIA GROUP» جشس
تاپسىرىس بەرۋشى: م.ج. وسپانوۆ
«AMANAT» پارتياسى» قب قاراجاتىنان تولەندى
