جاڭا كونستيتۋتسيا جوباسىندا ءدىن مەن مەملەكەتتىڭ ارا-جىگى ناقتى ايقىندالىپ، ءبىلىم بەرۋ مەن تاربيە جۇيەسىنىڭ زايىرلى سيپاتى بەكىتىلەدى، دەپ حابارلايدى "ادىرنا" ۇلتتىق پورتالى.
اتا زاڭنىڭ 7-بابىندا ەكى نەگىزگى ءبولىم كورسەتىلگەن.
ءبىرىنشىسى - ءدىن مەملەكەتتەن بولەك بولادى. ەكىنشى ءبولىم - قازاقستان اۋماعىندا ءدىني ۇيىمداردىڭ قىزمەتى تەك زاڭعا سايكەس جۇزەگە اسادى جانە ول كونستيتۋتسيالىق قۇرىلىس نەگىزدەرىن، ادام قۇقىقتارى مەن بوستاندىقتارىن قورعاۋ، ۇلتتىق قاۋىپسىزدىكتى قامتاماسىز ەتۋ، قوعامدىق ءتارتىپتى ساقتاۋ، ازاماتتاردىڭ دەنساۋلىعىن جانە قوعامنىڭ ادامگەرشىلىك بولمىسىن قورعاۋ ماقساتىندا شەكتەلۋى مۇمكىن.
ء«دىن مەن مەملەكەتتىڭ ارا-جىگى ناقتى اجىراتىلىپ بەكىتىلەدى. ءبىلىم بەرۋ مەن تاربيە جۇيەسىنىڭ زايىرلى سيپاتى ايقىندالادى»، – دەلىنگەن زاڭ جوباسىندا.
ەسكە سالايىق، بۇعان دەيىن جاڭا كونستيتۋتسيا جوباسىنىڭ تولىق مازمۇنى جاريالانعان بولاتىن. جوبا 11 بولىمنەن جانە 95 باپتان تۇرادى.
