رەسەي قازاقستاندا ءۇش جىلۋ ەلەكتر ستانتسياسىن سالۋدى بيىل باستاۋى مۇمكىن، دەپ حابارلايدى "ادىرنا" ۇلتتىق پورتالى.
بۇل تۋرالى ۇكىمەت وتىرىسىندا ەنەرگەتيكا ءمينيسترى الماسادام ساتقاليەۆ مالىمدەدى.
ءمينيستردىڭ سوزىنشە قازاقستاندا ءۇش جىلۋ ەلەكتر ستانتسياسىن رەسەيلىك "ينتەر-راو" كومپانياسى سالادى.
"قۇرىلىس جۇمىسىن بيىل باستاۋ مۇمكىندىگى بار، جوبا ايتارلىقتاي ىلگەرىلەدى. قالعان جوبالار بويىنشا تەحنيكالىق-ەكونوميكالىق نەگىزدەمە ازىرلەۋ اياقتالۋدا، ونىڭ ناتيجەلەرى بويىنشا تەحنيكالىق شەشىمدەر بەكىتىلىپ، ءتيىستى زاۋىتتاردا جابدىقتارعا تاپسىرىس بەرىلەدى", - دەدى الماسادام ساتقاليەۆ.
وتكەن جىلدىڭ قاراشا ايىندا قازاقستان مەن رەسەي كوكشەتاۋ، سەمەي جانە وسكەمەندە جىلۋ ەلەكتر ستانتسيالارىن سالۋ تۋرالى مەموراندۋمعا قول قويعان بولاتىن.
