قازاقستان رەسپۋبليكاسىنىڭ كونستيتۋتسياسىن جاڭارتۋ جونىندەگى الداعى رەفەرەندۋم قارساڭىندا ەلگە تانىمال سپورتشىلار ءوز قولداۋلارىن ءبىلدىرىپ، ازاماتتاردى داۋىس بەرۋگە بەلسەندى قاتىسۋعا شاقىردى.
وليمپيادا چەمپيونى دميتري بالاندين بىلاي دەدى:
ء«اربىر داۋىس ماڭىزدى. رەفەرەندۋم – ءاربىر قازاقستاندىقتىڭ ءوز ءۇنىن جەتكىزىپ، ەل بولاشاعىنا ۇلەس قوسۋىنا بەرىلگەن مۇمكىندىك».
بوكستان ءۇش دۇركىن الەم چەمپيونى نازىم قىزايباي اتاپ ءوتتى:
«كونستيتۋتسيا – ءبىزدىڭ قوعامىمىزدىڭ نەگىزى. جاڭارتۋلاردى قولداۋ جاستاردىڭ ادىلەتتى ءارى قۋاتتى ەلدە ءوسۋى ءۇشىن ماڭىزدى».
وليمپيادا چەمپيونى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى ەرماحان يبرايموۆ اتاپ ءوتتى:
«سپورتشى رەتىندە مەن ءۇشىن ەلىمىزدىڭ دامىپ، زاڭداردىڭ ساقتالۋى وتە ماڭىزدى. كونستيتۋتسيانىڭ جاڭا جوباسى – قازاقستاننىڭ تۇراقتىلىعى مەن وركەندەۋىنە باستايتىن قادام».
بوكستان ەكى دۇركىن الەم چەمپيونى الۋا بالقىبەكوۆا ايتتى:
«مەن حالىقتىڭ كۇشىنە سەنەمىن. رەفەرەندۋم – مەملەكەتىمىزدىڭ بولاشاعىنا بەيجاي قارامايتىنىمىزدى كورسەتۋدىڭ مۇمكىندىگى».
ەركىن كۇرەستەن الەم چەمپيونى نۇرقوجا قايپانوۆ:
«سپورت ءتارتىپ پەن جاۋاپكەرشىلىككە ۇيرەتەدى. رەفەرەندۋمعا قاتىسۋ دا – ءبىزدىڭ ازاماتتىق بورىشىمىز».
سپورتشىلاردىڭ ايتۋىنشا، داۋىس بەرۋگە قاتىسۋ – ءاربىر قازاقستاندىقتىڭ ەلدىڭ دامۋى مەن نىعايۋىنا قوسقان ۇلەسى.
ەسكە سالا كەتەيىك، 15 ناۋرىز كۇنى قازاقستاندا جاڭا كونستيتۋتسيانى قابىلداۋ بويىنشا رەسپۋبليكالىق رەفەرەندۋم وتەدى.
