بۇگىن، 8 ناۋرىزدا وسلوداعى اقش ەلشىلىگى عيماراتىندا جارىلىس بولدى. نورۆەگيا پوليتسياسىنىڭ مالىمەتىنشە، زارداپ شەككەندەر جوق، دەپ حابارلايدى “ادىرنا”.
پوليتسيانىڭ حابارلاۋىنشا، جارىلىس اقش ەلشىلىگى كەشەنىنىڭ كونسۋلدىق بولىمشەسىنىڭ كىرەبەرىسىندە بولعان.
كۋاگەرلەردىڭ ايتۋىنشا، تۇنگى ساعات 1:00 شاماسىندا قاتتى جارىلىس بولعان. وسلو تۇرعىنى اننا گيلبو CNN-گە بەرگەن سۇقباتىندا ول كەزدە ءوزىڭنىڭ دوستارىمەن ۇيدە بولعانىن ايتادى.
"مەن تەلەديدار كورىپ وتىرعانمىن، ءبىر ۋاقىتتا بۇكىل ءۇيدى قوزعاپ جىبەرگەن قاتتى داۋىستى ەستىدىم. جارىلىستان كەيىن ىزدەۋ جۇمىستارى ءبىراز ۋاقىتقا دەيىن جالعاستى، بۇل مەنى جانە دوستارىمدى قاتتى الاڭداتتى، بىراق قاۋىپ سەيىلگەن سياقتى", - دەيدى ول.
وسلو پوليتسياسىنىڭ وكىلى ميكاەل دەللەمير NRK قوعامدىق تەلەارناسىنا جارىلىس شىنىمەن دە امەريكا ەلشىلىگىنىڭ اۋماعىندا بولعانىن ايتتى.
وقيعا امەريكانىڭ دۇنيە جۇزىندەگى ديپلوماتيالىق وكىلدىكتەرىندە كۇشەيتىلگەن قاۋىپسىزدىك شارالارى كەزىندە ورىن الدى. بۇعان اقش پەن ءيزرايلدىڭ يرانعا قارسى سوققى جاساۋى، ال تەگەراننىڭ پارسى شىعاناعىنداعى اقش نىساندارىنا شابۋىل جاساۋى سيپاتىنداعىتاياۋ شىعىستاعى جاعدايدىڭ شيەلەنىسۋىمەن بايلانىستى.
وسلوداعى جارىلىستىڭ وسى وقيعالارعا قاتىسى بار-جوعى، ازىرگە بەلگىسىز.
