تاياۋ شىعىستاعى شيەلەنىسكەن جاعدايعا بايلانىستى ەلدەگى ستراتەگيالىق نىسانداردىڭ تەرروريزمگە قارسى قورعانىسىن كۇشەيتۋ شارالارى قابىلداندى. بۇل تۋرالى سەناتور اندرەي لۋكين مالىمدەدى، دەپ حابارلايدى "ادىرنا".
"مەملەكەت باسشىسى بىردەن تەرروريزمگە قارسى قورعانىس ماسەلەسىنە نازار اۋداردى. قاۋىپسىزدىك كەڭەسىنىڭ ارنايى وتىرىسى وتكىزىلدى. بارلىق قۇرىلىمىمىز قىزمەت اتقارۋدىڭ كۇشەيتىلگەن رەجيمىنە كوشىرىلدى – بۇل الدىن الۋ شارالارىنىڭ ءبىرى. ال ەسكەرتۋ شارالارىنا كەلسەك، ەڭ الدىمەن ءبىزدىڭ ستراتەگيالىق نىسانداردىڭ تەرروريزمگە قارسى قورعانىسى تۋرالى ايتقىم كەلەدى. قازاقستان رەسپۋبليكاسىندا ورنالاسقان مۇناي ءوندىرۋشى كاسىپورىنداردىڭ ءتيىستى بولىمشەلەرى بار جانە ولاردىڭ اۋەدەن دە، قۇرلىقتان دا، سونداي-اق كاسپي تەڭىزى جاعىنان دا تەرروريستىك شابۋىلدارعا قارسى ارەكەت ەتۋ بويىنشا ناقتى مىندەتتەرى بەلگىلەنگەن", – دەدى اندرەي لۋكين.
