ءماجىلىستىڭ ەكس-توراعاسى نۇرلان نىعماتۋليننىڭ ۇلى نۇرحان نۇرلانوۆ «قازفوسفات» جشس باس ديرەكتورى قىزمەتىنەن كەتتى، دەپ حابارلايدى “ادىرنا” ۇلتتىق پورتالى.
وسىعان دەيىن قارجىلىق مونيتورينگ اگەنتتىگى اتالعان كومپانيا باسشىلىعىنا قاتىستى سوتقا دەيىنگى تەرگەۋ باستالعانىن مالىمدەگەن ەدى.
ەندى كومپانيانى ەۆگەني شيبانوۆ باسقارادى. ونىڭ كەن ءوندىرۋ، ونەركاسىپ سالاسىندا تاجىريبەسى مول.
ايتا كەتەيىك، تاراز تۇرعىندارى 11 شىلدەدە كەشكە الەۋمەتتىك جەلىلەردە تۇمان باسقان قالانىڭ ۆيدەولارىن بولىسكەن بولاتىن. ولار جاعىمسىز ءيىس سالدارىنان تىنىس الۋ قيىنداعانىن ايتىپ شاعىمدانعان.
”ادىرنا” ۇلتتىق پورتالى
