رۋسلان جەلدىباي قازاقستان رەسپۋبليكاسى پرەزيدەنتىنىڭ شتاتتان تىس كەڭەسشىسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
بۇعان دەيىن ول مەملەكەت باسشىسىنىڭ كومەكشىسى ءارى ءباسپاسوز حاتشىسى قىزمەتىن اتقارعان.
2026 جىلدىڭ قاڭتارىندا قاسىم-جومارت توقاەۆ پرەزيدەنتتىڭ ءباسپاسوز حاتشىسى قىزمەتىنەن رۋسلان جەلدىبايدى بوساتىپ، ونىڭ ورنىنا ايبەك سمادياروۆتى تاعايىنداعان ەدى.
ايتا كەتەيىك، رۋسلان جەلدىباي جامبىل وبلىسىندا تۋعان. ەڭبەك جولىن «قازاقستان» تەلەراديوكورپوراتسياسى ارناسىندا باستاعان. كەيىن «الماتى» تەلەارناسىندا جۇمىس ىستەگەن. ودان كەيىن مەملەكەتتىك اقپاراتتىق ساياسات سالاسىندا جانە پرەزيدەنت اكىمشىلىگىندە ءتۇرلى لاۋازىمداردى اتقاردى.
2022 جىلدان بەرى بىرنەشە رەت پرەزيدەنتتىڭ ءباسپاسوز حاتشىسى قىزمەتىنە تاعايىندالىپ، سونداي-اق پرەزيدەنت كومەكشىسى جانە كەڭەسشى مىندەتتەرىن اتقارعان.
سونىمەن قاتار، 2025 جىلدان باستاپ حالىقارالىق دزيۋدو فەدەراتسياسى كوميسسياسىنىڭ ديرەكتورى رەتىندە تىركەلگەن. ال 2026 جىلى كونستيتۋتسيالىق رەفورما جونىندەگى كوميسسيا قۇرامىنا ەنگەن.
