بۇگىن مەملەكەت باسشىسى ەلىمىزدىڭ كولىك-ترانزيتتىك الەۋەتىن دامىتۋ جونىندە كەڭەس وتكىزدى. وسىعان بايلانىستى جۋرناليستەر تاراپىنان قويىلعان سۇراقتارعا قر پرەزيدەنتىنىڭ ءباسپاسوز حاتشىسى رۋسلان جەلدىباي جاۋاپ بەردى، دەپ حابارلايدى “ادىرنا” ۇلتتىق پورتالى.
“بۇل جەردە، ەڭ الدىمەن، گەوساياسي تۇراقسىزدىق جاعدايىندا قازاقستان كومىرسۋتەگىن حالىقارالىق نارىقتارعا جەتكىزۋ باعىتتارىن ءارتاراپتاندىرۋ تۋرالى ءسوز بولىپ وتىر. جيىندا جاڭا كولىك دالىزدەرىن اشۋ ماسەلەسى تالقىلاندى. بۇل ءبىر كۇندىك جۇمىس ەمەس، ۇزاق مەرزىمدى جوسپار. شىن مانىندە، قابىلدانعان شەشىمدەردىڭ ەشقانداي ساياسي استارى جوق. رەسەي ءبىزدىڭ ستراتەگيالىق سەرىكتەسىمىز ءارى وداقتاسىمىز بولىپ قالا بەرەدى. ونىڭ مۇددەسىنە نۇقسان كەلتىرەتىن قانداي دا ءبىر ءىس-ارەكەتتەرگە جول بەرىلمەيدى. قازاقستان تاراپىنا قاتىستى دا وسىنداي ارەكەتتەر جاسالمايدى دەپ ۇمىتتەنەمىز”،- دەپ جازدى ول Facebook پاراقشاسىنا.
