2026 جىلعى 15 ناۋرىزدا قازاقستاننىڭ سىرتقى ىستەر مينيسترلىگىندە ء(سىم) الەمنىڭ قانشا ەلىندە رەفەرەندۋم ۋچاسكەلەرى اشىلعانى تۋرالى ايتىلدى، دەپ حابارلايدى "ادىرنا".
ۆەدومستۆونىڭ Telegram-ارناسىندا جاريالانعان اقپاراتقا سايكەس:
«قازىرگى ۋاقىتتا الەمنىڭ 40-تان استام ەلىندە رەفەرەندۋم ۋچاسكەلەرى بەلسەندى جۇمىس ىستەپ جاتىر. جاپونيا مەن وڭتۇستىك كورەيادان كەيىن قىتاي، سينگاپۋر، موڭعوليا، مالايزيا، تايلاند، ۆەتنام جانە يندونەزيا ەلدەرىندە دە داۋىس بەرۋ باستالدى. سونداي-اق داۋىس بەرۋ ۇدەرىسى رەسەي، ءۇندىستان، ازەربايجان، ارمەنيا، گرۋزيا، قىرعىزستان، پاكىستان، تاجىكستان، وزبەكستان جانە تۇرىكمەنستان ەلدەرىندە دە قارقىندى ءجۇرىپ جاتىر».
سونىمەن قاتار، بۇدان كەيىن ەۋروپا ەلدەرىندە دە داۋىس بەرۋ باستالاتىنى اتاپ ءوتىلدى.
ال قازاقستاننىڭ رەسەيدەگى ەلشىلىگى رەسەي اۋماعىندا جۇرگەن قازاقستاندىقتار بۇگىن جاڭا كونستيتۋتسيانى قابىلداۋ ماسەلەسى بويىنشا رەفەرەندۋمدا داۋىس بەرىپ جاتقانىن حابارلادى.
ماسكەۋدە قازاقستان ەلشىلىگى جانىنان داۋىس بەرۋ ۋچاسكەسى اشىلدى.
