بۇگىن، 15 ناۋرىز كۇنى «ابتم» جشس ۇجىمى قازاقى كيىمىن كيىپ، رەسپۋبليكالىق رەفەرەندۋمدا ءوز تاڭداۋىن جاسادى. ماڭىزدى ساياسي ناۋقانعا ءبىر كىسىدەي اتسالىسقان ۇجىم مۇشەلەرى ەل بولاشاعى ءۇشىن داۋىس بەرۋ – ءاربىر ازاماتتىڭ قاستەرلى بورىشى ەكەنىن اتاپ ءوتتى.
سالتاناتتى شاراعا «ابتم» جشس باس ديرەكتورى نيزامي سەۆزيحانوۆ تا قاتىستى.
-بۇگىن مەن ءوز تاڭداۋىمدى جاسادىم. ەلىمىزدىڭ جارقىن بولاشاعى جولىنداعى رەفەرەندۋمعا قاتىسۋدى ءاربىر وتانداسىمىزدىڭ مىندەتى دەپ بىلەمىن، - دەدى نيزامي سەۆزيحانوۆ.
ماڭعىستاۋ وڭىرىندەگى سايلاۋ ۋچاسكەلەرىندە بيىلعى رەفەرەندۋم امال مەرەكەسىمەن تۇسپا-تۇس كەلگەندىكتەن، ەرەكشە مەرەكەلىك كوڭىل-كۇي ورناعان. داۋىس بەرۋگە كەلگەن تۇرعىنداردىڭ باسىم بولىگى ۇلتتىق ناقىشتاعى كيىمدەرىن كيىپ، اقجارما تىلەكتەرىن ايتۋدا.
سايلاۋ ۋچاسكەلەرىندە قازاقى اۋەندەر شىرقالىپ، ءوڭىردىڭ وزىندىك رۋحى ايشىقتالا ءتۇستى. جۇرتشىلىق ءبىر-بىرىمەن كورىسىپ، جاڭا جىلمەن قۇتتىقتاپ، مەرەكەلىك اتموسفەرادا ازاماتتىق بەلسەندىلىك تانىتۋدا.
ۇجىم مۇشەلەرى ەل ەرتەڭىنە بەيجاي قاراماي، وسىنداي ماڭىزدى ساتتە بىرلىك پەن ىنتىماقتىڭ ۇلگىسىن كورسەتتى.
